6. ssri-də böyümüş ya da bu nəsildən təsirlənməsi ehtimallar arasında olan şəxsdi. bazar iqtisadiyyatı və qloballaşan dünya dar ixtisaslaşmaya və beynəlxalq əmək bölgüsünün dərinləşməsinə səbəb olmuşdur. lakin ssridə bu bölgü daha dayaz olmuşdur və təhsil sistemi də bu istiqamətdə qurulmuşdur. o təhsil sistemi ki "hər şey haqda fikri olan insanı" formalaşdırıb. azərbaycanlılarda bu sindrom hələ də davam edir. hamı yunanıstanın iqtisadi vəziyyəti, qlobal istiləşmə və minlərlə başqa heç olmasa bir az araşdırma tələb edən mövzularda qulaqdan dolma informasiyalarla fikir yürüdür. hamımız mütləq qarşılaşmışıq. biri evini təmir elətdirir, məsələn. nəsildə nə qədər adam var hamı qarışır ki, bunu səhv edibsiniz bunu düz. bu mövzuda qıraqda duran azərbaycanlı görməmişəm. bir az da haqlılıq payı var çünki usta öz işini dərin bilmir, tam ixtisaslaşmayıb, arada yunanıstanın vəziyyəti barədə şərh verir arada da ev tikir. iqtisadçısı da yunanıstanın vəziyyətini tam bilmir, arada ustanın işinə qarışır, arada da yunanıstanın vəziyyəti ilə bağlı şərh verir. hamı hər şey haqda fikir sahibidi amma heç kim öz ixtisasını dərin bilmir. bazar iqtisadiyyatında isə bu əlavə iqtisadi xərc deməkdir. tutaq ki, sizin kiçik müəssisəniz var və siz mühasibat işlərini aparmaq üçün tam ixtisaslaşmış bir kadr tapmadığınızdan, 2-3 nəfəri işlədirsiz. bu sizin üçün əlavə xərc olacaq. lap tutaq ki, bir ixtisaslaşmış kadra verəcəyiniz 900 manatı 3 nəfər arasında böldünüz və müəssisə üçün əlavə xərc yaranmadı. bu zaman da siz ölkə iqtisadiyyatını boş yerə 2 nəfərin əməyindən məhrum edirsiniz. çox bekaram, deyəsən * yazar burda gülür amma dərin düşünəndə bunun təhsil sistemi ilə də əlaqəsi olduğunu düşünürəm. entryi azərbaycan xalqının dahi oğlu nizaminin bir beyti ilə sonlandırmaq istəyirəm.
kamil bir palançı olsa da insan,
yaxşıdır yarımçıq papaqçılıqdan.