83. entry-lərə baxıram, bu nə nifrətdi, qardaş? sosial işçün tükü tərpənməyən adamlar 2012-dən bəri tənqid eləyə-eləyə öz qorxaqlıqlarına bəraət qazandırdıqlarını zənn edirlər. siz nə iş görmüsüz ki, n!da daha azını eləyib?!
n!da vh 4 fevral 2011 tarixində azərbaycanda demokratik sistemin, azad fikirin, hüquqi aliliyin, sosial-iqtisadi rifahin tələbi ideyası ilə yaradılmış hərəkatdır. 7 nəfərdən ibarət idarə heyyəti tərəfindən idarə olunur.

manifest:

"biz-nidaçılar yeni, azad nəsilik!

nida azadlıq və ədalət istəyir və xalqımızın ona layiq olduğunu iddia edir!

bizim indiyə qədər baş vermiş ictimai-siyasi olaylar haqqında fikirlərimiz müxtəlif ola bilər. ancaq nida keçmiş barədə mübahisələrə vaxt itirməməyi təklif edir! bizi gələcək maraqlandırır!

bizim vətəndaşları adətən mənafeçi və passiv hesab edirlər. ancaq digərləri də var: düşünən, cəsarətli, öz ölkəsinin taleyinə biganə olmayan və onun gələcəyi üçün üzərinə məsuliyyət götürməyə hazır olanlar.

biz hələ çox azıq, ancaq biz artıq varıq və hər yeni gün daha da çoxalacağıq!

biz nidada nə edirik? nidaçılar öz hüquqlarını bilir, qoruyur və ideyalarını reallaşdırmaq əzmindədir!

biz pul qazanmaq və karyera qurmaq haqqında düşünmürük! çünki azadlıqlar olmayınca heç bir xalq səfalətdən qurtulmur, heç bir ölkə həqiqi inkişafa nail olmur, onun vətəndaşları da xoş gələcəyini qura bilmir. azadlıq olmayan ölkədə heç kim bəlalardan sığortalanmayıb. tarix onu da sübut etdi ki, xalqlar azadlıq və həqiqət əldə etmədikcə, çörək və rifah da qazana bilmir.

nida azadlıq, ədalət və həqiqət istəyir! bunun üçün biz özümüz hakimiyyətə gəlmək istəmirik! lakin nida ölkəmizdə dəyişikliklər istəyir! nida ölkəmizdə hakimiyyətin xalqın iradəsi ilə qurulmasına tərəfdardır.

nida vətənə sevgini öz işləri ilə sübut etmək istəyir, biz öz vətənpərvərliyimiz barədə boşboğazlıqla qışqırmırıq!

nida zorakılığa “yox!” deyir və öz fəaliyyətində qeyri-zorakı mübarizə formalarından istifadə edir!

nidanın tələbləri: biz azad və inkişaf etmiş dövlətdə yaşamaq istəyirik! biz istəyirik ki, bizi yüksək döyüş qabiliyyətli peşəkar ordu qorusun, tələbələr isə rahat təhsil alsınlar! biz hakimiyyətin azad və ümumi səsvermə yolu ilə demokratik şəkildə dəyişməsini istəyirik! biz azad və müstəqil kiv-dən məlumat almaq istəyirik! biz istəyirik ki, qanunlar ədalətli və hamı üçün eyni olsun! artıq səsimizi duyurmaq vaxtıdır! bizim arxamızda həqiqət, bilik və güc durur, siyasətçilər və partiyalar deyil! biz artıq köhnə siyasi stereotiplərindən bezmişik! bizi siyasi və ictimai fəaliyyətin yeni formaları maraqlandırır! artıq müxtəlif “izm”lərdən qurtulmaq vaxtıdır, siyasətin əxlaqlı olması bunlardan asılı deyil! nida yeni insanların hərəkatıdır. bizim müasirlərimiz digər dövlətlərdə artıq öz seçimlərini ediblər! artıq biz də gəlirik! azadlıq əldə etməkdən başqa yolumuz qalmayıb! nidanız güclü olsun!"


hazırda siyasi məhbus olan hərəkat üzvləri:

məmməd əzizov - 2013-cü ilin 11 yanvar tarixində
yanvarın 12-də keçiriləcək "əsgər ölümlərinə son" mitinqinə hazırlıq
işləri görərkən, polis tərəfindən saxlanılmış və 9-cu polis bölməsində amansız
davranışa və pis rəftara məruz qalmışdır. həmin bölmədə bir saat müddətində bir neçə polis tərəfindən növbəli şəkildə döyüldüyü halda, ondan tələb olunan - rəşad həsənovun əleyhinə yalan ifadə verməyi qəti şəkildə rədd etmişdir.

rəşadət axundov - ali təhsilini azərbaycan dövlət iqtisad universitetində alıb. nəaliyyətlərinə görə xüsusi istedadlar qrupuna keçirilib (2001-2005).
təhsilini davam etdirən rəşadət 2006-cı ildə macarıstanda yerləşən məşhur mərkəzi avropa universitetinə (ceu) qəbul olunub. 2007-ci ildə oranın işgüzar idarəçilik üzrə magistr təhsilini mba) başa vurub.
19 iyun 2010-cu il tarixində, bakıda keçirilən etiraz aksiyalarının birində, polis tərəfindən saxlanılır və barəsində 10 sutkalıq həbs qərarı çıxardılır.
8 mart 2011-ci il tarixində, facebook-da təşkil olunmuş “böyük xalq günü” adlı etiraz mitinqi ərəfəsində, ailəsiylə birgə olduğu zaman mülkigeyimli polis işçiləri tərəfindən faktiki olaraq oğurlanır və bir neçə saat sonra məhkəmə tərəfindən 5 sutkalıq həbs cəzasına məhkum olunur.
2005-ci ildə yox hərəkatına qoşulmuş və hərəkatın aktiv üzvlərindən biri olmuşdur. daha sonra 2006-cı ildən fəaliyyətini ol! azərbaycan gənclər hərəkatında davam etmiş və bir dönəm ol!-un idarə heyəti üzvü olmuşdur. 2010-cu ildə ol! hərəkatını tərk etmişdir.
siyasi sifariş əsasında həbs olunmuş gənc fəallar adnan hacızadə və emin millinin müdafiəsi məqsədilə yaradılmış gənclərin hüquqlarını müdafiə hərəkatının fəallarından və təsisçilərindən biridir.
üzvü olduğu n!da vətəndaş hərəkatının təsisçilərindən biridir. təşkilatda fəaliyyəti dövrü ərzində iki dəfə çoxluğun etimadını qazanaraq idarə heyətinə seçilib.
2013-cü ilin 30 mart günü, hakimiyyətin nida vətədaş hərəkatına qarşı başladığı repressiyaların tərkib hissəsi olaraq həbs edilib. məhkəmə onu, cinayət məcəlləsinin 228.3 (mütəşəkkil olaraq qanunsuz odlu silah saxlama, partlayıcı maddə və qurğular əldə etmə) 28.1. (cinayətə hazırlıq) 220.1 (kütləvi iğtişaş) maddələri ilə ittiham edib.

rəşad həsənov - universitet təhsilini türkiyənin məşhur orta doğu teknik universitetində (odtü) almışdır. bundan əlavə rəşad həsənov 2008-2009-cu illərdə 100-dən çox üzvü olan odtü azərbaycanlı tələbələr cəmiyyətinə rəhbərlik etmiş, 2009-2010-cu illərdə 300-dən çox üzvü olan azərbaycanlı tələbələr və məzunlar assosiasiyasının vitse-prezidenti olmuşdur.
2010-cu ilin avqustunda odtü-dən məzun olarkən rəşad nottinqham universitetinin “beynəlxalq təhlükəsizlik və terrorizm” üzrə magistratura proqramına qəbul olmuş, lakin azərbaycan təhsil nazirliyi “azərbaycan gənclərinin xaricdə təhsili- 2007-2015-ci illər” dövlət proqramı üzrə onun təhsilini maliyyələşdirməkdən imtina etmişdir.
2010-cu il azərbaycanda parlament seçkiləri keçirilərkən rəşad həsənov seçkilərdə gənc namizədlərdən bəxtiyar hacıyevin seçki kampaniyasında aktiv iştirak edərək seçki kampaniyasının 100-dən çox könüllüsünü koordinasiya etmişdir.
2010-cu il noyabrın 10-da 35-dən çox könüllünün müsbət dəyişiklik gənclər hərəkatın təsis olunmuş, rəşad həsənov 2011-ci ilin mart ayından və 2012-ci ilin mayına qədər 2(iki) dəfə hərəkatın idarə heyətinə seçilmiş və hərəkatın üzvü olan siyasi məhbus bəxtiyar hacıyev üçün yaradılan “bəxtiyara dəstək” kampaniyasında aktiv iştirak etmişdir.
rəşad həsənov 2011-ci ildə 9 təşkilatın təmsil olunduğu “gənclərin hüquqlarını müdafiə komitəsi”nin (ghmk) idarə heyətində təmsil olmuş, 5 ay ərzində ghmk-nın mülkiyyət hüquqları ilə bağlı “maddə 13- mülkiyyət” alt komitəsinin rəhbəri olmuşdur.
2011-ci ildə azad iqtisadiyyata yardım ictimai birliyinin rəhbəri zöhrab ismayılla bərabər rəşad həsənov britaniya səfirliyinin dəstəyi ilə “bakıda mülkiyyət haqları pozuntularının xəritə və statistikası” adlı hesabat hazırlmışdır.
rəşad 2012-ci ilin mayında müsbət dəyişiklik gənclər hərəkatını tərk edərək, daha geniş auditoriyaya xitab etmək üçün n!da vətəndaş hərəkatına qoşulmuşdur. 2012-ci ilin sentyabrında n!da vətəndaş hərəkatının idarə heyətinə üzv seçilmişdir.
rəşad həsənov 2012-ci il noyabrın 4-də yaradılan və 50-yə yaxın fəal gəncin təmsil olunduğu gənclər məclisinin həmtəsisçisi olmuşdur.
2012-ci ilin avqustunda praqada keçirilən “avropada yaşayan azərbaycanlıların forumu”nda iştirak edən rəşad, forumun koordinasiya komitəsinin üzvü idi.
rəşad həsənov 2012-ci ilin oktyabrnda irex-in donorluğu ilə həyata keçirilən və azərbaycan universitetlərində korrupsiyanın həddini müəyyən etməyi nəzərdə tutan “korrupsiyasız təhsil” layihəsində “frontline sms” proqramı vasitəsilə keçirilən sorğuda məsul şəxslərdən olmuşdur.
rəşad həsənov 2013-cü il 12 yanvarda bakının mərkəzində keçirilən "əsgər ölümlərinə son!" askiyasında polis tərəfindən saxlanmış və səbail rayon məhkəməsi tərəfindən cərimə olunmuşdur. rəşad cərimələri ödəməkdən imtina edərək "vətəndaş itaətsizliyi" kampaniyası keçirən 10 nəfər aktivistdən biridir.
14 mart 2013-cü ildə mülkigeyimli polislər tərəfindən saxlanılaraq baş prokurorluğun ağır cinayətlərə dair işlər üzrə istintaq idarəsinə aparılıb. cinayət məcəlləsinin 228.3-cü (qanunsuz olaraq odlu silah, onun komplekt hissələrini, döyüş sursatı, partlayıcı maddələr və qurğular əldə etmə, başqasına vermə, satma, saxlama, daşıma və gəzdirmə) 28.1. (cinayətə hazırlıq) 220.1 (kütləvi iğtişaş) maddələri ilə ittiham edib və 3 aylıq həbs-qətimkan tədbiri seçilib.
6 may 2014-cü ildə bakı ağır cinayətlər məhkəməsində rəşad həsənov barəsində hökm oxunub və 7 il 6 ay müddətində azadlıqdan məhrum edilib.

ilkin rüstəmzadə - 12 yanvar və 10 mart “əsgər ölümlərinə son!” və 26 yanvar ismayıllıya dəstək aksiyalarının facebook tədbirlərinin idarəçisi kimi sosial şəbəkələrdə aktiv olan şəxslər arasında tanınmışdır.
ilkin rüstəmzadə may ayının 17-ində cinayət məcəlləsinin 221-ci (xuliqanlıq) maddəsinin iki bəndi ilə (221.2.1 və 221.2.2) 28.1. (cinayətə hazırlıq) 220.1(kütləvi iğtişaş)maddələri ilə ittiham olunub. belə ki, o “harlem shake” videorolikini hazırlamaqda və onu youtube-da yerləşdirməkdə ittiham olunur. istintaq bunu xuliqanlıq kimi qiymətləndirib.
6 may 2014-cü ildə bakı ağır cinayətlər məhkəməsində ilkin rüstəmzadə barəsində hökm oxunub və 8 il müddətində azadlıqdan məhrum edilib.
ilkin məhkəmədə: "möhtərəm hakim, istintaqda mənə dedilər ki, istəsək lap con kennedinin qətlini də sənin boynuna qoyarıq. əgər istəsəz mən kennedinin qətlini boynuma ala bilərəm. istəyirsiz?!"

ömər məmmədov - 2011-ci ildə nida vətəndaş hərəkatına üzv olub. həmçinin hakimiyyətin satirik tənqidinə görə tanınan "aztvdən seçmələr" səhifəsinin admini olub. 2013-cü ildə ailəsinə olan təzyiqlərdən sonra nida vətəndaş hərəkatından ayrılıb. daha sonra "axın" hərəkatını yaradıb. ömər eyni zamanda vətəndaş həmrəyliyi partiyasının üzvüdür.
2014-cü yanvarın 24-ü baş narkotiklərə mübarizə idarəsinə gətirələrək polis əməkdaşları tərəfindən həbs olunub. həbsindən sonra ömər n!da-ya qayıdıb.
4 iyul 2014-cü il tarixində bakı ağır cinayətlər məhkəməsi tərəfindən 5 il müddətində azadlıqdan məhrum edilib.