1. qaradağ rayonu puta qəsəbəsi ərazisində çölün ortasında yerləşən qapalı rejimli həbsxana.

həbsxanada 115 nəfər xüsusi, 50 nəfər qapalı rejimdə cəza çəkir. yolu bərbad yox, ümumiyyətlə yoxdur; yaxınlıqda yerləşən daş karxanasına (baxma: karyer) gedən iri yük maşınlarının açdığı kələ-kötür cığırlardır. yaxınlığından heç bir marşrut keçmir (əsas yoldan xeyli aralıdır), getmək üçün, ya şəxsi avtomobilin olmalıdır, ya da ki, o istiqamətlərdə yerləşən həbsxana, hərbi hissələrə, karyerə gedən maşınlara əl eləmək olar, taksi də naz eləyəcək.

ərazi " ilan mələyən düzlər" ifadəsinə uyğun gəlir də yox, elə ilan mələyən düzdür; həbsxana kameralarında yay günü ilan da peyda olur.

lotu quli ləqəbi ilə tanınan nadir səlifov, siyasi məhbus abgül süleymanov (mətbuatda gedən xəbərlərə görə 2014-cü ilin sonlarına yaxın 8 saylıya köçürülmüşdü) burada cəza çəkən nisbətən tanınmış simalardandır.