2. həkim!

mən böyüməmişəm. böyüyəndə həkim olacam. gecə zəng gəldikdən sonra o saatda xəstəxanaya getmək istəyirəm. gecələri yəqin ki gözəl olar hər yer. pisliklər görsənməz. pis şeylər qara olur axı.

həkim olsam iynə də vuracam. fərqli götlər görəcəm. daha doğrusu baldırlar. düşündüyünüz mənada düşünmürəm. mənə çox maraqlı gəlir baldırlar. tüklü, tüksüz, damarları səthi, yağlı, qalın incə, yaralı, qara, ağ, vurulmuş iynələrin sayı.

həkim olsam qiçs xəstələrini xüsusi müalicə edəcəm. onlarla görüşüb, içki içib, nəşə çəkib əylənəcəm. istəsələr sevişərəm də. qiçs xəstələrinin baldırlarını sığallıyıb qucaqlayacam. bəlkə də qiçs xəstəsi həkim olmaq istəyirəm.

fransada işləmək istəyərəm həkim kimi. ingiliscə danışacam orda da. qiçsə görə fransız dilini öyrənməyə vaxtım olmaz yəqin.

böyüdüm indi. həkim də ola bilmədim qiçs də. baldır da görmədim. amma gecələri çıxa bilirəm. sən demə pis şeylər qara yox ağ imiş. parıldayır, adamın gözünə girir, gündüzlər də aramızda gizlənir.

ay həmişə orda imiş.