1. ölkənin mərkəzi bankı tərəfindən həyata keçirilən siyasətlər toplusu. sadə olaraq faiz dərəcəsini dəyişməklə pul təklifinin həcmində dəyişikliklər edilir. bunu mərkəzi bank iki cür edir. birinci halda pul təklifini yəni dövriyyədəki pulu artırmaqla, faiz dərəcələrini aşağı salır bu isə kommersiya banklarının daha çox kredit götürməsinə və əhaliyə daha çox kredit verməsinə səbəb olur, özəl sektor böyüyür, işsizlik azalır, istehlak artır, inflyasiya artır.
ikinci halda məhdudlaşdırıcı tədbirlər görülür, faiz dərəcəsi artırılır və dövriyyədəki pullar azalır, bu siyasətdən yüksək inflyasiya baş verdikdə istifadə olunur. iqtisadi inkişaf zəifləyir, işsizlik artır, inflyasiya azalır.