87. “bu gün biznesə mane olmaq istəyən şəxslər azərbaycana xəyanət edirlər”.

prezident ilham əliyevin sumqayıta rəsmi səfəri zamanı açıqlamalarından

“siyasi iradə var, qanunvericilikdə düzəlişlər edilib, yeni qaydalar tətbiq olunur və əlbəttə ki, ictimai nəzarət daha da güclü olmalıdır. ölkəmizin uğurlu inkişafı biznesin inkişafından asılıdır. dövlət siyasəti, prezidentin siyasi iradəsi var. belə olan halda dövlət qurumları burada maneçilik törətməməlidirlər, əskinə, kömək etməlidirlər, şərait, imkan yaratmalıdırlar ki, biznes inkişaf etsin".

“bütün bunlara son qoyulacaq”

ilham əliyev bəzi hallarda sahibkarlara qarşı ədalətsizliklərin göstərildiyini, onların işinə müdaxilələr olduğunu, onlara qarşı əsassız tələblər irəli sürüldüyünü, qanunsuz ödəmələr tələb olunduğunu bildirib və əlavə edib ki, bütün bunlara son qoyulur və son qoyulacaq. bütün hallarda həm inzibati tədbirlər, həm cəza tədbirləri davam etdiriləcək.

“sənayeləşmə siyasətinin aparılması üçün bizdə güclü iradə var. eyni zamanda, burada yaradılan və yaradılacaq şəraitdən özəl qurumlar da istifadə edəcək. çünki biz artıq xammal yox, hazır məhsul ixrac edəcəyik”.

“sahibkarlara heç kim mane olmamalidir”

prezident vurğulayıb ki, kiçik və orta sahibkarlar üçün də çox böyük imkanlar yaradılacaq:

"o məhsullar ki bu günə qədər idxal edilirdi, artıq azərbaycanda istehsal olunacaq və bütün bu işləri görmək üçün çox böyük tədbirlər planı icra edilir. ilk növbədə, azərbaycanda investisiya iqlimi müsbətdir, digər tərəfdən, dövlət vəsaiti qoyulur, özəl sektor da bu işlərdə fəal iştirak edir".


ilham əliyev sahibkarlığın inkişafının vacibliyindən də danışıb:

"sahibkarlığın inkişafı azərbaycanın ümumi inkişafının əsas şərtidir. ona görə sahibkarlara maksimum sərbəstlik verilməlidir və verilir. son vaxtlar qəbul edilmiş qərarlar, qanunlar, verilmiş sərəncamlar bu məqsədi güdür ki, sahibkarlara heç kim mane olmasın, süni əngəllər aradan götürülsün, sahibkarlar maksimum dərəcədə sərbəst, rahat şəraitdə işləsinlər, ölkəmizə vəsait qoysunlar, iş yerləri yaratsınlar və azərbaycanda biznes mühiti daha da yaxşılaşsın”.

p.s ümid edək ki, bu dəfə hakimiyyətin vədlərinə ictimai nəzarət və dəstək olacaq