62. bugün, 30 oktyabr, rusiya'da ' siyasi repressiyaların qurbanları günü'dür. söhbət 'stalin repressiyaları'ndan gedir. bu günü rusiya hökuməti qeyd etmir. vətəndaşların öz təşəbbüsüdür. nədən bu günü (30 oktyabrı) seçdiklərini bilmirəm (günün tarixini araşdırmamışam).
'putin rejimi' üçün bu gün, təbii ki, önəmli deyil. putin üçün stalin - effektiv menecerdir. amma vətəndaşlar, bu şəkildə gördüyünüz kimi, moskva'da qoyulmuş rəmzi qurban daşı önünə çiçəklər düzür, şam yandırır, toplaşıb birlikdə susurlar. beləcə, 'stalin repressiyaları'nın qurbanlarını anırlar.
yaddaş böyük gücdür! düzgün yaddaş siyasəti olanda, ədalətli cəmiyyət quruculuğu asanlaşır. belə siyasəti hökumət aparanda, işlər daha da asanlaşır. amma hökumət bu cür siyasətdə maraqlı olmayanda, vətəndaş cəmiyyəti olmalıdır ki, düzgün yaddaş siyasətini yürüdə bilsin.
bizdə 'yaddaş siyasəti' anlayışı belə yoxdur. gərək bu işlə ciddi məşğul olaq. bir tək 'stalin repressiyaları'nı demirəm, ümumiyyətlə deyirəm. öz payıma da deyirəm.