1. "hollywood kraliçası" ləqəbi ilə məşhur olan 3 oscarlı amerikalı aktrisa. kleopatra filmindən aldığı 1 milyon dollar qonararla, tarixə milyonluq qonarar alan ilk aktrisa olaraq keçib. həmçinin eyni filmdə mark antonini canlandıran richard burtonla 10 il evli olub. ümumilikdə isə 6 dəfə ailə həyatı qurub. hamısı da boşanma ilə bitib.
xristian ailədə doğulmağına baxmayaraq sonradan iudaizmi qəbul edib. adını da dəyişib yelişeva rahel qoyub. hətta 1976-cı ildə terroristlər tərəfindən tutulan air france təyyarəsinin yəhudi əsirləri ilə özünü dəyişməsini belə israil rəsmilərinə təklif edib. israilin abş-dakı səfiri bu təklifi qəbul etməsə də yəhudi xalqının bunu heç vaxt unutmayacağını vurğulayıb.
narkotik və içki alışqanlığına görə film karyerasını 45 yaşda bitirmək məcburiyyətində qalıb. sonradan yalnız teatrlarda səhnə alıb.