1. əsrlərdir nəsldən-nəslə keçən və hələ də cavabı tapılmayan fəlsəfi sual. adətən bəzi insanlara kinayə ilə "kimsən sən?" sualı verilir. bəzən də yaddaşını itirmiş bir şəxs "mən kiməm" deyə soruşur. lakin yenə də cavabsız sual olaraq qalır.
əgər fərqli keçmişimiz olsaydı, məsələn, fərqli adımız, fərqli xarici görünüşümüz, fərqli insanlar olsaydı yenə də özümüz ola bilərdik?- əlbəttə xeyr. bu suala adınızı, ya yaşınızı, yaxud da başqa əlamətinizi deyərək cavab verə bilərsiniz. amma bu həmin sualın cavabı olmaz. ona görə ki, sizin əlamətlər milyonlarla insanda var.

öz fikrimə görə isə insanı özü edən keçmişi ilə birlikdə indiki vəziyyətidir. gələcək isə olmaq istədiyimiz kateqoriyaya daxil olmasına görə özümüz deyilik. xəyallar, arzular yuxular ilə eynidir. nahaq yerə ingilis dilində bu 3 söz bir sözdə (dream) birləşməyib. lakin bu başqa mövzudur.
xülasə, keçmişdə yaşadığınız çətinliklərə və ya ağır hadisələrə görə dərd çəkməyin. sizi özünüz edən keçmişinizdir. bu haradasa "mən kiməm" sualına cavabı ola bilər.
qeyd edim ki, bu sualın cavabını mən də tam verə bilmədim. 100 illərdir o qədər filosof cavab verə bilməyibsə yenə də mən kiməm ki?!