64. qərb mətbuatında insan haqları mövzusunda gecikmiş və təsirsiz tənqidlərə çox həssas olan buradakı iqtidar, bu cür yazılar qarşısında, bir qayda olaraq, susur.
özünün susmağı bir yana, söz deyə biləcək toplumu (onun müxalifətini və vətəndaş cəmiyyətini) susdurmağa çalışır (təqib edir, həbsə atır, resurslarını kəsir, tv/radio kanallara çıxışını bağlayır, parlament seçkilərini saxtalaşdırır və s.) moskva da bunu yaxşı bilir, ona görə də iqtidarın üzərinə basqılarını gücləndirir. çünki, bilir, bu iqtidarın manevr imkanları çox azdır. "müxalifət bizə imkan verməz", "parlamentdə belə qərar keçməz" sayaq üzqoruyucu imtinalara əl atmaq imkanlarından bu iqtidar özünü məhrum edib. öz xalqından asılı olmayan hökumət, başqa ölkələrin hökumətlərindən asılı olmağa başlayır.