66. avropa parlamenti israil'lə bağlı qətnamə qəbul edib (525 səs leyhinə, 70 səs əleyhinə). qətnamədə, fələstin xalqının, paytaxtı doğu qüds olmaqla, fələstin dövlətini yaratmaq haqqı, israil'in qəzza bölgəsində törətdiyi dağıntıları bərpa etmək öhdəliyi, işğal olunmuş ərazilərdən çəkilmək borcu, beynəlxalq hüququn pozulmasıyla bağlı başqa bərpaedici tədbirlər və s. kimi müddəalar var. üstəlik, avropa parlamenti israil'ə silah satışını, eləcə də hərbi müdafiə sahəsində başqa əməkdaşlığı dayandırmağa çağırır. daha sonra, işğal olunmuş fələstin ərazilərində istehsal edilən malların üzərində "israil" yazılmasının və belə məhsulların avropa'ya idxalının qadağanına da çağırış var. qətnamənin inigliscə tam mətnini aşağıdakı keçiddən oxuya bilərsiniz. məlumatınız üçün paylaşdım.
qətnamənin özü icra üçün icbari olmasa da, mənəvi yükü böyükdür. siz səsvermənin nəticəsinə diqqətlə baxın: 525 səs leyhinə, 70 səs əleyhinə. bu, çox önəmli nəticədir. onu da nəzərə alın ki, avropa parlamenti avropa birliyi vətəndaşları tərəfindən birbaşa seçilir. bu isə o deməkdir ki, avropa parlamentinin bu qərarı avropanın ictimai rəyini xeyli dərəcədə ifadə etmiş sayıla bilər.
onu da unutmayın ki, fələstin, hələ rəsmən dövlət kimi tanınmasa da, beynəlxalq cinayət məhkəməsinin üzvü ola bildi (avropa birliyinin səyləri nəticəsində) və indi beynəlxalq cinayət məhkəməsində israilin fələstin ərazisində törətdiyi beynəlxalq cinayətlərin ilkin araşdırmasına başlayırlar.
bununla belə, israil bizim üçün önəmli ölkədir. biz öz milli maraqlarımızı düşünməliyik. amma ədaləti də unutmaq olmaz.