3. təbii ki, birtərəfli və yarımçıq yanaşmadır. kiminsə üstünə atmazdan əvvəl suriyanı, onların dövlətini, hakimiyyətdəki nusayriləri, çoxlu etnik və dini qrupları v.s yaxşıca tədqiq eləmək lazımdır. ərəb baharı adı ilə bir bir sosialist ərəb dövlətlərinin, keçmiş bəəsçilərin və onların keçmiş müttəfqiləri ssrinin aqibətlərini də bilmək lazımdır. ikiqütblü dünyadan təkqütblü sistemə keçiddə ortada qalmış ortadoğulunun trajik yetimçiliyini görmək lazımdır. 200 milyon ərəb xalqları demədən, heç bir zaman həqiqi müstəqil ola bilməmiş və inkişaf edə bilməməyin bədəlini zaman zaman ağır bədəllərlə ödəyən bu bədbəxt insanların tarixindən xəbərdar olmaq lazımdır. bölgə dövlətlərini sinsicə istismar edən və ömürlük dikatorlarını daim gizli və aşkar dəstəkləyən rusiya, abş, fransa, böyük britaniya barədə də məlumatlı olmaq lazımdır
ən azı, bu gündən təxminən 100 il əvvəl fransa və böyük britaniya arasında imzalanmış sykes picot müqaviləsi nəticəsində çəkilmiş süni sərhədlər və dövlətciklərdən xəbəri olmayanların yorum yazmaması gərəkən başlıq. suriyanın, iraqın, küveytin, o cümlədən, iran körfəzi nin necə "müstəqil" dövlət olmaqları yalançı tarixdə çox da işıqlandırılmır. hələ birinci dünya müharibəsi ərəfəsində balfour deklarasiyası, fələstin məsələsi və vudro vilsonun məşhur 14 bəndini də bura əlavə eləmək lazım olacaq. mən ingilis agenti lawrencenin təhriki və rəhbərliyi ilə başıpozuq və aldadılmış ərəblərlə osmanlı imperiyasının yaxın şərqdəki ərazilərində həyata keçirdikləri diversiya, yəni pozuculuq əməliyyatlarını da demirəm. o gün bu gündür, o ərəblər "azad" və "müstəqil" olmaqdan bir türlü məsud ola bilmirlər. neftin və qazın yaxın şərqdə qismən maddi təmin elədiyi bir iki qondarma körfəz ölkəsi istisna bu insanlar heç bir zaman azad və siyasi haqlara sahib olmadılar.

(baxma: ərəb dövlətləri)
(bax: bəəs)