3. cv-nizin cavabsız qalmasının 9 səbəbi
indiyə qədər 100-dən çox ünvana cv göndərmisiniz, amma cavabsiz qalıb? bəlkə bunun səbəbləri elə cv-dədir. nələri səhv etdiyinizi bilməyincə, eyni səhvi dəfələrlə təkrarlayacaqsınız.
1) cv-də bir və ya bir neçə hərf səhvi görüldükdə, dərhal bağlayırdıq. bir adam öz cv-sində bir neçə hərf səhvi edirsə və bunu düzəltməyə əziyyət çəkmirsə, ciddi qəbul edilmir. (accoutat, offic manage və s.)
2) dil bilikləri hissəsində english-fluent yazıb, sonra azərbaycan dili – “yaxwi” yazırsınızsa, bu da bağlanmaq üçün bir gözəl səbəbdir.
3) hamının ilk iş təcrübələrində ixtisası ilə bağlı olmayan sahələr olur. məsələn, kimsə yayda restoranda işləyir, kimsə küçədə kitab satır, kimsə kitabxanada işləyir. amma bunu mütləq qeyd etməlisinizmi? mühasib axtaran bir şirkətə sizin tələbəlik illərində bərbər işləməyiniz necə maraqlı ola bilər?
4) orta məktəb illərindən başlayaraq harada nə sertifikat almısınızsa, hamısını skan edib 9 megabaytlıq bir cv göndərirsinizsə, oxunmamış silinə bilər. sertifikatlarınızı (məktəbdə fəal şagird, tərifnamə və s.) skan edib əlavə etmək, şansınızı dəfələrlə azaldacaq, nəinki artırmaq.
5) istifadə etdiyiniz email ünvanına diqqət edin. ciddi bir iş üçün cv göndərəndə email hissəsinə killerbaku@mail.ru yazırsınızsa, daha heç bir şey deməyə gərək yoxdur.
6) foto professionaldırsa, qoymaq olar. amma selfie, yaxud divanda çəkilmiş, yaxud toyda çəkilmiş fotodan kəsilmiş fotonu qoymaqdansa, qoymamaq daha yaxşıdır.
7) cv-ni göndərəndə başlıqda və məktub hissəsində (bir az vaxtınızı alsa da) 1-2 cümlə yazın, hansı vakansiya üçün göndərdiyinizi və s. boş başlıq və boş məzmunla sadəcə cv.doc faylını yükləmək sizin bu işi ürəkdən istəmədiyinizi göstərə bilər.
8) cv göndərdiyiniz məktub başqa yerlərə göndərilmiş məktubun forward edilmiş versiyası olmamalıdır. bir də baxırsan ki, “mühasib” vəzifəsinə cv göndərilir, amma başlıqda “fwd: tərcüməçi vakansiyası üçün müraciət”, məzmunda “xahiş edirəm, tərcüməçi vakansiyası üçün cv-imi nəzərə alın” yazılır. bu da o deməkdir ki, əziyyət çəkmədən, hara gəldi, eyni email forward edilir.
9) vakansiya üçün ingilis dili tələb edilmirsə, ingilis dilini bilmirsinizsə, cv-nizi azərbaycan dilində səliqəli yazın. ingilis dilində yazmağa özünüzü məcbur edib “single” əvəzinə “alone” yazacaqsınızsa, hobbiləriniz arasında (to look at historical films (watch)” yazacaqsınızsa, azərbaycan dilində normal cv yazmağınız daha yaxşıdır. (c) news.cvcenter.az

p.s

işi zarafata çevirsək, azərbaycanımizda işə qəbulla bağli sadə tələblər
1. 2 dəfə dünya çempionu
2. 7 dili mükəmməl bilmək
3. abcderty kateqoriyali sürücülük vəsiqəsi
4.teyyare vertolyot tank idare ede bilmek
5. 15 dəqiqə su altı üzmək
6. uça bilmek
7. müvafiq ali təhsil
8. yaş həddi 25-30
9. super model
10. 7 az yaşli uşagin olmalidir
bu teleblere uygun olsaniz , 250 azn maawla dovlet iwi tapmaq wansiniz 60 % dir (c)