7. dünən (24.11.2015) etibarilə türkiyə, rusiya və dünya gündəminə "damga"sını vurmuş xəbər. türkiyənin iddiası odur ki, hava sərhədləri rus təyyarələri tərəfindən pozulub və buna görə də onlar rusların su-24 təyyarəsini vurub. rusiya isə bu iddiaları yalanlayaraq, təyyarənin suriya sərhədləri xaricinə çıxmadığını bildirir. putinin çox sərt çıxışları olub. o, bir az üstü örtülü formada olsa da, türkiyəni işid ilə işbirliyi etməklə ittiham edərək, işidin türklərə suriyanın neftini sataraq türklərin işidə milyonlar qazandırdığını iddia edir. o əlavə edir ki, bu hadisənin rusiya ilə türkiyə əlaqələrində ağır nəticələri olacaq və rusiya bu "vəhşiliyi" cavabsız qoymayacaq.
hadisə ilə bağlı maraqlı bəzi məlumatlar:
- hadisədən dərhal sonra türkiyə nato-ya xəbər verərək, onlarla görüş tələb edib
- vurulan rus təyyarəsindən paraşut ilə atlayan iki pilotdan birinin bölgədəki qüvvələr tərəfindən öldürüldüyü bildirilir. ancaq digər pilotun taleyi barədə hələ ki məlumat yoxdur