13. xaricdə qalanda adam daha çox başa düşür vətənin dəyərini. burda deportasiya olunmuş kürdlər var həmişə söhbət eliyəndə gəlir məsələ onların vətəninin olmamasında ilişir. onların içlərinin necə yandığını görürəm. biz insanlar, eqoist varlıqlar bir şeyi itirməmiş dəyərini bilmirik. vətənin olmağı çox gözəldir. inanın bunu bəlkə də birinci dəfədi belə ürəkdən yazıram. çünki bizim torpaqlarda hər şey var. gəzməli yerlərimiz var. yaxşı təbiətimiz var. dövlətimizdə və millətimizdə çox böyük qüsurlar olsa da bu vətəndi sevmədən olmaz. bəzi insanlar var vətəninin dövlətinə görə sevmir. ay qardaş bunlar axı başqa şeylərdi.
heç olmasa hamımız ölkəmiz üçün balaca bir iş görsək məncə vəziyyət indikinnən çox fərqli olar. demirəm gedək küçədə xoşbəxtlik paylıyaq. gəlin sizə bir şey danışım. mən 11-ci sinifin axrında quba türk liseyinə düşərgəyə getmişdim. orda bir qaqaşnan tanış oldum 2-ci qrupa hazırlaşırdı. riyaziyyatı çox zəif idi. 20 gün ərzində qaqaşa bacardığım qədər riyaziyyatdan mövzu başa saldım. adam 25 sualdan 6-7 düz yazırdısa mən dərs başa salannan sonra 15-16 düz yazırdı. getdi gül kimi yerə qəbul oldu. üstünnən 3 il keçib ama qaqaş hər dəfə söhbət eliyəndə kömək üçün təşəkkür eliyir.
demək istədiyim budu ki, heç olmasa hərəmiz cəmiyyətə bir insan qazandırsaq özümüz də xoşbəxt olarıq, vətən də daha yaxşı və yaşamalı yer olar.