12. hərfi mənada saray təlxəklərindən mütəşəkkil, öz yaradıcılığının qürubunu çoxdan yaşamış insan qrupu. ömür boyu "saray"a xidmət edib, hakim zümrənin diskursunu nəinki dəstəkləmək, onu kütlələrə yaymaqda xüsusi canfəşanlıq göstərən, etdikləri bu xidmətin mükafatını da artıqlamasıyla vaxtında görən "baba"nın sevimli nəvələri.

əslində, parni iz bakuya (sonradan planeta parni iz baku) əliyev (söhbət eks prezidentdən gedir) yumorunun təcəssümü, konkretləşmiş forması deyə bilərik. baba özünə xas yumor anlayışı ilə "zarafatcıl" xarakterə sahib bir insan idi. zarafatın çatışmazlıqları öz üzərindən dəf etmə gücünə bələd idi.(xələfində isə bu səviyyədə "zarafatcıl" olma xüsusiyyəti yoxdur. güclü təbiətə sahib insanlara xas olan özünə güvənmə hissinin olmaması burada da öz sözünü deyir yəqin.)
bu qrup da əkrəsən babanın damarına uyğun zarafatları ilə öz babalarının kefini açmaqla yanaşı, iqtidarın gücünü, diskursunu legitimləşdirməyə xidmət etmiş, "nöqsanları" da (hamının deməyə götü çatmadığını sevimli nəvələr deyə bilər) zarafatla topluma bir növ qəbul etdirmiş, hətta xoş göstərmişdir. təkrar edirəm, qarşılğını da sistemin nemətlərindən artıqlaması ilə faydalanmaqla almışdırlar.
indi baxıram, bu yaxınlarda senzuraya məruz qaldıqlarını dilə gətirib, ictimaiyyətə gileylənməyə başlayıblar. babanın sevimli nəvələrinə göz bərəldiblər "bəzi məmurlar", bəzi əmilər və uf olub. yeri gəlmişkən azərbaycan dilində "bəzi məmurlar " söz birləşməsi "cənab prezident çox yaxşı insandır, nöqsan sifətlərindən mütəal, münəzzəhhdir, bütün kəmal və cəmal sifətlərinin sahibidir, nöqsan gördünsə əgər, ol həzrət bundan bixəbərdir" kimi məna çalarına sahibdir. hərçənd bixəbər olmaq qəflətdir (haşa!) -ki o da kəmala yox nöqsana dəlalət edir- fəqət bu təzadı da dəf etmək bir zarafata bənddir ki, onu da tapmaq olar.
nəisə, "bəzi məmurlar" deyəsən artıq "heydər gülüşü"nü həzm edə bilmirlər.