14. “maydan hərəkatlarından və inqilablardan keçmiş ukraynanın özü bu gün bu cür islahatların zərurətini qeyd eləməkdədir. söhbət təkcə idarəçiliyin asanlaşması, əlçatanlığı mənasında deyil, daha artıq dərəcədə bürokratizmdən xilas olmaqdan gedir. gerçəkdən də azərbaycan insanının xeyli dərəcədə enerjisi müxtəlif bürokratik maneələri və qanunsuz tələbləri aşmağa gedəcəksə, qarabağ uğrunda vuruşmağa hal qalmayacaq. asan xidmət modeli ölkə başçımızın inqilabi layihəsi idi və cəmiyyətdə alındı, baş tutdu, idarəetmə sistemində özünə yer qazandı. göründü ki, bu mümkün imiş. bir çoxlarında sanki belə təsəvvürlər var ki, asan xidmətdə işləyənlər yəqin hardansa başqa ölkələrdən gətiriliblər, ya da başqa ölkələrdə peşəkar biliklərə yiyələniblər. belə deyil. həmin insanların bir çoxu əvvəlki iş yerlərindən qovluqlarını götürüb gəliblər asan xidmətə. gəlib burada əvvəlki iş yerlərindəkindən fərqli şəkildə işləyə bildiklərini ortaya qoyublar. asan xidmət modeli idarəetmə sistemində mövcud olan mənfi tendensiyaları sındırmağın ən yaxşı aləti oldu. ona görə də bu model getdikcə əksər strukturlarda tətbiq olunmalıdır. bu modelin tətbiqi rüşvəti, süründürməçiliyi, bürokratiyanı aradan qaldırır. ölkə prezidenti təsadüfən bu modelin genişləndirilməsinin vacibliyindən danışmır. odur ki, mən obrazlı şəkildə deyirəm ki, ya hökumət asan-laşacaq, ya asan xidmət hökumətləşəcək. bu, qaçılmaz bir reallıqdır”. (c) zahid oruc