17. rayon əhalisinin böyük əksəriyyətinin bakıda tikintilərdə fəhlə olaraq işlədiyini, rayon əhalisinin gəlirlərinin bir vaxtlar rusiyadan gəəldiyini nəzərə alsaq, bölgələrin hələ "baku 2015" başladığı dövrdə kasıblamağa başladığını görərik. onsuz da mağazalara borcu şişən kənd və rayon camaatının ikinci devalvasiyadan sonra qiymət artımı belini qırdı. tək çarə etiraz etmək idi. onlar da bunu etdilər və edəcəklər.
bakıda eyni vəziyyət bir neçə ay sonra yaşana bilər. əhalinin əlində olan bütün pullar qurtaranda və gəlir olmadığı üçün xərcləməyə də bir şey tapmayanda çarəni etiraz etməkdə tapacaqlar. indidən etiraz etməyə başlasalar daha yaxşı olar, nəinki aclıq başlayanda. nəticə tez hasil olsa, vəziyyət də bir o qədər tez düzələr.
etiraz etməyə qarşı mübarizə aparanlara gəldikdə:
1 - arqumentləri "buranın da suriya, iraq kimi olmasını istəyirsiz?" deyənlər nəzərə alsınlar həmin ölkələr əvvəldən də yarı-dindar rejimlə idarə olunur və din cəmiyyətdə böyük bir önəm daşıyır. yəni oxşar vəziyyət türkiyədə ola bilər amma azərbaycanda heç vaxt. mən hələ araq içməyən fəhlə, usta, kəndli görməmişəm. həmin proseslər yaradılmağa çalışsa dindarlar azlıqda qalıb əriyəcəklər. hətta misir kimi dindar ölkədə biraz turist gəlib getmişdi deyə dini inqilab ola bilmədi. nəzərə alın ki, 70 illik ssri keçmişimiz də var.
2 - "hal-hazırda bütün dünyada neftin qiyməti düşür buna hakimiyyət neynəsin?" deyənlərə cavab olaraq hakimiyyətin vəzifəsi neftdən asılılığı azaltmaq idi, çoxsahəli iqtisadiyyat qurmaq idi, əhalini varlandırmaq idi, özlərini yox. çünki, neftin qiyməti düşür və biz kasıblayırıqsa bu hakimiyyətin elə ən böyük ayıbı və günahıdı. bütün məsuliyyəti hakimiyyət daşıyır, 1993-cü ildən bəri hakimiyyətə yiyələnən yap daşıyır. nəzərə alsaq ki, ssri dağılmamışdan təkcə cəlilabad rayonunun istehsal etdiyi üzüm bütün gürcüstan ssr və ermənistan ssr-dən (ayrı ayrılıqda) daha çox idi və bugün ermənistan və gürcüstanın üzüm, şərab və üzümlə bağlı olan digər sahələrdən gələn gəliri büdcələrinin 10-15 %-ini təşkil edir, kənd təsərrüfatı potensialımızın da hakimiyyət tərəfindən necə məhv edildiyini anlamaq mümkündür. hələ maldarlıq və əkinçiliyinin digər sahələrini demirəm.
3 - "bu hakimiyyət dövründə azərbaycan ordu quruculuğu reallaşdırdı, ramil səfərovu azad elədi, mübariz ibrahimovun nəşini düşməndən aldı" deyənlər nəzərə alsınlar ki, bunu istənilən hakimiyyət edə bilərdi və ramil səfərovun ekstradisiyası seçkiqabağı bir həmlə idi. mübariz ibrahimov isə şəhid olmaq üçün hərəkətə keçmişdi, hakimiyyəti sevdiyinə və ya prezidentin siyasətinin sadiq qulu olduğunu göstərmək üçün yox. real nəticə lazımdı insanlara. 1994-cü ildən bu yana bir qarış torpağımız hakimiyyətin səyləri nəticəsində azad olunubmu? yox. əli kərimli, isa qəmbər kimi adamlardan mənim də xoşum gəlmir amma baxaq görək neçə rayon ayaz mütəllibovun, neçə rayon elçibəyin, neçə rayon heydər əliyevin hakimiyyəti zamanı işğal olunub.
4 - "xalq ayağa qalxsa qarışıqlıq yaranacaq, çünki alternativ yoxdur, lider yoxdur" deyənlərə sadə bir cavab var. o xalq məhv olmalıdır ki, 20-30 ilə lider yetişmir onda. həm lider var və bu potensiyala görə onu həbs ediblər.