1. birinə sırf yaşı çoxdur deyə hörmət etmək mənə elə də məntqili gəlmir. insan hörməti cəmiyyət içindəki hərəkət va davranışı ilə qazanır. birinin daha əvvəl dünyaya gəlməsi ona hansı əsasla ekstra bir üstünlük qazandıra bilər, əgər özü özlüyündə heç bir hörmətəlayiq bir keyfiyyət formalaşdırmayıbsa? çox tez-tez qarşılaşıram ki, insanlar bir-birinə "heç olmasa filankəsə yaşına görə hörmət et" və ya "yaşına görə heç bir şey demirəm" tipli ifadələr işlədir. bu fikirdə olan biri ən azı bunu (yaşının böyük olduğunu) nəzərə alıb hörmətsizlik etməz.

bu biraz da hərbi xidmətdəki köhnə əsgər-yeni əsgər münasibətlərinə oxşayır. elə bunun yaranması da təsadüfi deyil. köhnə əsgər daha əvvəl orada olduğu üçün özünü yeni gələnlər qarşısında daha üstün görür və onu alçaltmağa başlayır. əgər bu problemi aradan qaldırmaq istəyiriksə, əvvəlcə sırf yaşa görə hörmət məsələsindən başlamaq lazımdır.

qeyd: yaşla əlaqədar olaraq fiziki və əqli çatışmazlığı olanlar bura aid deyil.