2. fransiz rejissor jean-jacques annaudun 2001-ci il istehsalı filmi. film ikinci dünya müharibəsinin taleyinin həll olunduğu stalinqrad şəhərində baş verən hadisələrə əsasən çəkilib. baş rolarda jude law, jozeph fiennas və olamasaydı film heç izlənilməzdi deyəcəyim ed harris oynayır.

--spoiler--

film ikinci dünya müharibəsinin son anlarında adını tarixə yazdıran ukraniyalı snayper vasily zaytsev və onu öldürməsi üçün göndərilən berlin snayper məktəbinin müdüdrü konigin aralarındakı 'şəxsi' müharibədən bəhs edir.

--spoiler--

zaytsev haqqında oxuduqlarıma əsasən ağlımda canlanan obrazı law canlandıra bilmədi. burada ən böyük səhv ssenaristin payına düşür. (ssenarist ele rejissorun özü idi) tarixdə 37 gün ərzində bilinən sayı 225 alman əsgəri öldürən zaytsevin bu məharəti filmdə əksərən dialoglarda bəlli olur.
filmdə ən uğurlu obraz alman snayper konig olur. əsas qəhrəman zaytsev olsa da, sona kimi konigin qalib gəlməsi istəyini yaratması ed harrisin aktyorluq uğurudur.
filmdə müharibəni açıq-aydın, çılpaqlığı ilə göstərən kadrlar çox uğurlu alınıb. filmin 70 milyon dollarlıq büdcəsinin əsas səbəbi də elə filmin qurğusudur. filmdə zaytsevlə konigin mübarizəsi arasına 'soxuşdurulmağa' çalışılan sevgi hekayəsini çox uğursuz hesab edirəm. filmin finalı gözlədiyim təsiri bağışlamadı. ümumilikdə baxılması lazım olan filmlərdən hesab etmək olar.

filmi 6,5/10 kimi qiymətləndirirəm.