13. insanda əfqanıstana maraq oyadan yazar. a thousand splendid suns əsərini oxuduqdan sonra internetdə açıb əfqanıstan haqqında xeyli sənədli film izləmişdim. tarixi, siyasi, məişət həyatı ilə bağlı onlarla məqalə oxumuşdum. ürəyimdən də herat şəhərini görmək keçirdi -* əfqanıstan mənim üçün sadəcə "taliban onu partlatdı, filankəs beşmənkəsi devirdi" tipli xəbər başlıqları ilə anılan ölkə olmaqdan çıxmışdı artıq. yəni siz ona ərgənlər üçün yazar deyib keçirsiz, amma o, bir ərgənə yeni məlumatlar öyrənmək üçün vəsilə olmuşdu. üstəlik diqqəti o qədər də cazibədar olmayan ölkəsinə yönəltməyi bacarmışdı. əminəm məni kimilər az deyildi.
qoy oxusun ərgənlər və ya sadəcə gənclər. əsasən də qızlar. qoy görsünlər onlar burda "neçə kilo kökəlmişəm, filan yerə nə geyinsəm görəsən, əhməd mesajıma niyə cavab yazmadı" kimi gic-gic şeyləri özlərinə böyük dərd edərkən, həmcinsləri elə də uzaq olmayan coğrafiyada həyat dramı yaşayırlar. onlar gəzmək, kitab oxumaq kimi sadə şeylərdən belə məhrumdurlar. sənin isə təhsil alıb, irəli gedib, söz sahibi olmaq şansın varkən, tez-bazar məktəbi bitirib ərə getmək haqqında düşünürsən.
ümid edirəm yüz nəfərdən heç olmasa on nəfəri düşündürmüşdür bu yazar.