24. camaatın pulunu mənimsəyən,dolandırıcı operator. facebookda bir dostum yazıb:
"azercell" balansa yüklənən məbləğə uyğun bonus xalları verirdi. sonradan bu xalları pula çevirib balansına əlavə eləvə eləmək mümkün idi. təxminən 30 manatlıq bonusum olmalıydı. "azercell"in müştəri xidmətlərinə
yaxınlaşdım. operator "şad xəbər"i gözlərində gülüşlə çatdırdı: "müəllim, kampaniya fevralın 1-dən dayandırılıb". mən niyə bilmirəm? beləcə də soruşdum.
kampaniya başlayanda xəbər verilmişdi, niyə dayandırılmazdan əvvəl xəbər tutmadım? dedi ki,
"azərbaycan" qəzetində elan vermişdik. səyavuş aslan demişkən, məni gic gülmək tutdu. soruşdum, xanım, siz özünüz axırıncı dəfə nə vaxt "azərbaycan" qəzeti almısız, ümumiyyətlə, köşkə yaxınlaşıb "azərbaycan" qəzeti alan
adam tanıyırsızmı? mübtəda ilə xəbərin yerində olmadığı rabitəsiz cavab verdi... "azercell" məni hər gün əhəmiyyətsiz sms-lərlə narahat eləyir. "sabina" mağazalar şəbəkəsinin kosmetikalarını
belə, təklif eləyirlər. amma kampaniyanın başa çatması haqda müştərini normal vasitə ilə xəbərdar eləmək yadından çıxıb nədənsə. bu haqda bir sms göndərmək beləmi çətin idi? inzibati resurslarla büdcə təşkilatlarına sırınan qəzet nə vaxtdan məlumat predmeti olub? nədi belə münasibətin səbəbi?monopoliya. müştəriyə hörmətsizlik. rəqabət mühiti yoxdu. neft pulları xeyli azalıb, hər qəpiyi qənimət bilirlər. siz heç bu ölkədə "azercell" haqda sevə-sevə danışan adam gördünüzmü? mən görmədim. çünki şüuraltı hamı anlayır ki, hansısa məqamda onu aldadırlar.