1. google`da axtarış verəndə yalnızca bu məlumat çıxır ki, “bu gün” qəzetinin həftəlik əlavəsi olan “əyləncə” qəzeti 2000-ci ilin əvvəlində satış tirajına görə, bütün media orqanlarını geridə qoymuşdu. qəzet 42 min tirajla çap olunur və “vozvratsız” satılırdı. bu sarı-erotik mətbuat internetin olmadığı o zamanlar üçün hələ qapalı sayılan intim mövzuları elə açıq-saçıqlıqla işıqlandırırdı ki, gənclər, tələbələr arasında əlbəəl gəzirdi. nizami ismayılovun baş redaktoru olduğu bu qəzetin də keçici bir ömrü oldu. bir müddət sonra internet azərbaycana da gəlib çıxdı, intim mövzulara maraq azaldı, “əyləncə” də ömrünü başa vurdu..