2. sosial mühitlərdə başqaları tərəfindən mənfi dəyərləndirilməkdən şiddətli şəkildə narahat olmaq və qorxduqları vəziyyətdən uzaqlaşma meyilləri ilə təsvir edilə bilən narahatlıqdır.

əsasən yeniyetməlik dönəmində başlayır. sosiofobiyanın əsas əlamətləri üzün qızarması, tərləmə, əllərin və səsin titrəməsi, boğazın quruması, ürək çırpıntısı, nəfəs çatışmazlığı, mədə-bağırsaq sistemində pozulmalardır. sosiofobiyası olan insanlar qorxduqları vəziyyətlə qarşılaşdıqda bu əlamətlər meydana gəlir.

sosiofobiya kollektiv önündə danışmaq, telefonda danışmaq, partiyə qatılmaq, yad insanlarla tanış olmaq kimi sosial fəaliyyətlər, bir iş edərkən (yazı yazarkən, məsələn) başqaları tərəfindən izlənmə, rəhbər vəzifədəki insanlarla danışmaq, qarşı cinsdən insanla tanış olmaq ya da görüşmək, hər kəsin içində idarəsini itirmək qorxusu və s. kimi hallarda özünü göstərir.

sosiofobiyası olan insanlar başqa insanların onları tənqid etdiyi və onlar haqqında mənfi fikirlərə sahib olduğunu düşünərlər. bu zaman ağıllarından keçən fikirlər "gücsüzəm, çirkinəm, bəyənilmirəm, sevilməyə layiq deyiləm, səhv etməməliyəm, mükəmməl olmalıyam, narahat olduğum bəlli olmamalıdır, rahat davranmalıyam, qüsursuz görünməliyəm, hər kəs məni bəyənməlidir" şəklindədir. sanki səhv hərəkət edəcək, yablış bir şey deyəcək və belə olarsa insanlar onu ələ salacaq, tənqid edəcək, alçaldacaq, beləcə hamının içində biabır olacaqmış kimi hiss edirlər. danışdıqları zaman hamı onlara baxırmış kimi gəlir. etdikləri ən kiçik səhvi gözlərində çox böyüdür, rüsvay olduqlarını düşünürlər.

qorxduqları vəziyyətlə üzləşdiklərində narahatlıqları artır, məsələn, sosiofobiyası olan tələbə dərs danışmaq üçün ayağa qalxdığında dili turulur, deyəcəklərini unudur.

utancaqlığa oxşasa da ondan fəqlidir. bu ikisini qarışdıqmamaq gərəkir . yeni mühitə girən və heç kəsi tanımayan insan utancaqlıq göstərə bilər, lakin bunun sosiofobiya olaraq qəbul edilməsi üçün həmin insanın onu narahat edən vəziyyətdən uzaqlaşmağa çalışması gərəkir. utancaq insanlar yeni mühitə düşdükdə utana bilərlər, lakin utandıqları üçün sosial fəaliyyətlərdən geri qalmazlar. halbuki sosiofobiyanın ən əsas əlamətlərindən biri narahatedici vəziyyətlərdən uzaqlaşma çabalarıdır.