1. bütün dünyanın usa-ın çirkli paltarlarını ortaya çıxaran kimi tanıdığı azəri əsilli araşdırmaçı jurnalist qadın. yəqin ki, bizdə çox az adam tanıyır bu qadını. bugün eşələnəndə tapdım, qadının eləmədiyi qalmayıb. yəni, insanda bir az qorxu olar, sənədli materiallarla cia, fbi kimi qurumların üstünə getmək hər igidin işi deyil. özünün "classified woman- the sibel edmonds story" xatiratında fbi-dakı iş təcrübəsi zamanı şahid olduğu məxfi görüşmələri, məxfi danışıqları, əl-qaidə və digər terror qrupları liderləriylə necə görüşüldüyünü qeyd edib. cəmi 6 aylıq fbi-dakı iş təcrübəsi keyfiyyətsiz iş qabiliyyəti bəhanəsi ilə sona çatıb. amma əsas səbəbi özü deyir. türk və fars dili üzrə gizli siyasi görüşmələrdə tərcüməçi kimi işləyən zaman bütün danışıqları səsyazısına köçürməsi və digər məxfi sənədləri toplaması rəhbərliyin qulağına çatanda atıblar bayıra.
amerikanın azərbaycandakı səfirliyində cia əməkdaşları ilə əl-qaidənin ilk qurucusu ayman əl-zəvahirinin 1997-2001-ci illər arasında çoxsaylı görüşlərini sənədlərlə medyaya açıqlaması əsas məşhurlaşma səbəblərindəndir. operation gladio b araşdırmasında amerikanın məxfi şərq və post-sovet ölkələri siyasətinə aydınlıq gətirmişdir. həmçinin 2001-ci il sentyabr hadisəsi barədə bütün cia rəhbərliyinin xəbərdar olduğunu iddia edib. bəzi sənədləri yayınlamaması üçün təhdidlər alıb. nəysə, bu qadın ortalıqda olanda, julian assange zad olmayıb. həm də, mənə görə bu insanın ortaya çıxardığı faktlar wikileaks kimi saxta, yönləndirilən proyekti əzər. amerikalılar da qadına məsih kimi baxır bu arada.