11. kitab
strasburqa yola çıxmazdan öncə "lev davidoviç trotski. gündəlikləər və məktublar" kitabını oxudum. kitab 2014-cü ildə qanun nəşriyyatı tərəfindən buraxılıb. kitabda bolşevik hərəkatının lideri olmuş bu tarixi şəxsiyyətin dövrlə bağlı çox maraqlı açıqlamaları və müşahidələri yer alıb. bilindiyi kimi oktyabr inqilabının lideri olmuş, həmin dövrdə adı leninlə paralel olaraq təqdim edilmişdir. ən amansız bolşevik lideri olmuş, təkcə burju hesab edilən siyasi opponentlərə qarşı deyil, inqilabı həzm edə bilməyən sadə kəndlilərə qarşı da repressiyaların təşkilatçısı olmuşdur. onun 1919-cu ildə nəşr olunmuş "dövlət və terrorizm" əsəri bolşevik vəhşiliyinin ilhamverici tezislərini müəyyənləşdirmişdi. trotski intellektual baxımdan lenindən daha hazırlıqlı və kütləyə təsiredici imkana sahib idi. stalinlə mübarizədə məğlub olduqdan sonra əvvəlcə alma-ataya sürgün olunur, ardınca ssri-dən çıxarılıb türkiyəyə mühacirətə göndərilir. insanlara qarşı etdiklərini öz başına gətirirlər. ağır mühacirət həyatı yaşayır və bir neçə dəfə stalin xəfiyyələri tərəfindən sui-qəsdə məruz qalır. nəhayət 1940-cı ildə meksikada ssri-nin xüsusi xidmət orqanlarının agenti olan yerli kommunist tərəfindən balta ilə vurularaq öldürülür. vəsiyyətnaməsində kommunist və ateist kimi qaldığını bildirir. günlərlə ovda oturmağı istirahət hesab edirdi, marks və engelsdən tərcümələri var. stalinlə münasibətlərində çox maraqlı məqamlar var. oxumaqla xeyli bilgilər əldə etdiyimi düşünürəm.