90. qarabağ münaqişəsinin guman olunan sülh yoluyla həlli çərçivəsində rusiya qoşunlarının azərbaycan'a "sülhməramlı", ya da başqa adla gəlməsinə razılaşmamalıyıq. belə bir razılığı verməyimiz, ölkəmizin gələcəyi (müstəqilliyi) üçün təhlükəli ola bilər. qonşumuzun yanlışından öyrənməyimiz gərəkdir.
e. şevarnadze rusiya qoşunlarının sülhməramlı kimi abxaziya'da və güney osetiya'da yerləşdirilməsinə razılaşmışdı. nəticədə, rusiya oranı faktiki olaraq işğal etdi, rəsmən də gürcüstan'dan qopardı.
əslində, qərb ölkələrinin qoşunlarına da inanmıram. kosovo örnəyi göz qarşısındadır. serbiya qərbin bütün şərtlərini qəbul etdi, hər cür islahata getdi, demokratik seçki keçirdi və s. bununla belə, qərb kosovo'nu serbiya'dan rəsmən ayırdı.
qarabağın işğal altında qalması bizi çox geriyə atdı və böyük ziyan vurmağa davam edir. amma nə qədər ki, ərazimizdə hər hansı vasitəçinin qoşunu yoxdur, qarabağın rəsmən bizim qalacağına şübhə yaranmır, əksinə, bir gün ordumuzun torpaqları qaytaracağına ümid artır.