8. sosial medianın gücü
əziz həmvətənlərim!
bu gün (-facebookda- )sayımız 200 mini keçdi. ilk növbədə bu uğurla hamımızı təbrik edirəm, çünki səhifənin maraqlı olması tək mənim deyil, hamımızın əməyidir. yazılarımın çoxunda sizin şərhlərin, yazdıqlarınız məktubların payı var. səhifəmizə oxucu cəlb edilməsində sizin bəyənmələr, şərhlər, paylaşımlarınızın xüsusi rolu oldu. tək son bir ildə sayımız 100 min nəfərə yaxın artdı. qaldırdığımız bir çox problemlər ümumi respublika müzakirəsinə çevrildi. bir çox problemlərin az da olsa tək müzakirəsinə yox, qismən də olsa həllinə nail ola bildik. azal-da olan korrupsiya, inhisarçılıq, analoqu olmayan bilet bahalığı bütün ölkəyə bəlli oldu, qismən də olsa inhisarçılıq aradan qaldırıldı, ucuz xətlər azərbaycana buraxıldı, bilet qiymətlərində min bir hiyləyə əl atılsa da, bəzi endirimlər oldu. məhz müzakirələrin sayəsində xəzər dənizinin mühasirəyə alınması diqqətləri cəlb etdi, bu barədə qanunlara qismən, hələlik kağız üzərində olsa da, dəyişiklik edildi. gözə dəyməsə də bir çox müsbət addımlara nail olduq.
ən əsası biz sosial şəbəkənin gücünə inanmağa başladıq. inandıq ki, özümüz bir olsaq çox problemləri həll edə bilərik. bundan başqa, mətbuatı susdurmağa qadir olan hakimiyyət mənsubları sosial şəbəkənin gücünü gördülər, orada yazılanların qarşısının alınmasının mümkünsüzlüyünü anladılar və hesablaşmağa başladılar. sosial şəbəkəyə üzv olub onu yönləndirməyə, idarə etməyə çalışsalar da buna nail ola bilmədilər. bariz nümunə kimi hakimiyyət ustası ramiz mehdiyevin facebooka üzv olub, gün ərzində izləyicilərinin sayı on minlərlə artsa da, bir həftədən sonra yazılan şərhlərin “ağırlığına” dözməyib təcili səhifəsini bağlamasını göstərmək olar. 4 günlük qarabağ müharibəsi sosial şəbəkənin gücünü hamıya, o cümlədən hakimiyyətə də bir daha nümayiş etdirdi. yenə bizim səhifədə məmur qudurğanlıqlarını, onların hər gün dəyişdikləri saatların qiymətləri ilə birlikdə nümayiş etdirildikdən sonra, çoxları artıq görüntülənmiş şəkillərində dəyişiklik etməyə, mümkün qədər onları yığışdırmağa çalışdılar. məmur balaları əvvəlki kimi qudurğanlıqlarını, bizlərdən oğurladıqlarını gözümüzə soxmaqdan çəkinməyə başladılar. digər cinahda olanlardan bir çoxları anladılar ki, qaraguruhçuluqla, qrup mənafeyi naminə, siyasi ambisiyalara görə şər böhtan atmaqla uğur qazanmaq olmaz. hakimiyyət və müxalifət anladı ki, bizim onların hakimiyyət davası adı ilə apardıqları oyunlara susmaq fikrimiz yoxdur. bizə kimin hakimiyyətdə, kimin müxalifətdə olması vacib deyil. vacib olan görülən işlərdir. yanaşmamızın bir göstəricisi var - haqlı, ədalətli, savadlı, azərbaycan adlı dövlətə fayda verən istənilən şəxsə hörmətlə yanaşacağıq, əksi olanların isə bütün əməllərini ifşa edəcəyik. artıq bu barədə bir dəfə yazmışdım. bir də təkrar edirəm. bu, “ monitor” jurnalını təsis edəndə rəhmətlik elmar hüseynovla bizim iş prinsipimiz idi. indi bu işi elmarsız, ancaq sizlərlə - yüz minlərlə davam etdirmək fikrim var!
bundan sonra da öz yolumuzu gedəcəyik. irəlidə qlobal problemlərdən tutmuş, ən xırda görünənə qədər həllini gözləyən çox işlər var. birinci növbədə xalqdan alınmış xəzər dənizini xalqa qaytarmaq lazımdır. onsuz da bu gün onu hasarlayanlar xəzər dənizindən istifadə etmirlər, sərinlənməyə xarici dənizlərə, okeanlara üz tuturlar. azərbaycan xalqının isə isti yay günləri xəzər dənizinə ehtiyacı böyükdür. bizim hakimiyyət rəsmilərini sorğu-suala tutmaq, gördükləri işlərin hesabını sormaq, büdcənin hara, necə xərcləndiyini bilmək haqqımız var. biz “wikileaks”, “panama papers” gözləməli deyilik. çoxlarına əhəmiyyətsiz görünən, ancaq hər birimizə təsir edən problemlər də həll olunmalıdır. hər birimizin və ətrafımızın ən sadə mədəniyyət vərdişlərinin təbliğinə çox ehtiyac var. hər bir fərd bilməlidir ki, ictimai yerlərdə digərilərini narahat edən vərdişlərdən əl çəkməliyik, özümüz kimi hamının haqqına, istirahətinə hörmətlə yanaşmalıyıq. istədiyimiz vaxt, istədiyimiz kimi özünü aparmaq, telefonla ucadan danışmaq, ətrafı çirkləndirmək, zibili az qala evimizin pəncərəsindən atmaq, idman zallarında qaydalara riayət etməmək, su hovuzuna duş aldıqdan sonra girmək, idman alətlərindən istifadə zamanı səs küylə başqalarını narahat etməmək lazımdır. ölkəmizdə, xüsusilə, bakı şəhərində artıq təhlükəyə çevrilmiş ekologiya problemini həm özümüz, həm də balalarımız üçün təcili həll etməliyik. kəsilən hər bir ağacı şərəfimizə təcavüz, əkiləni isə ən dəyərli hədiyyə kimi qəbul etməliyik. bu mövzularda hazırlanmış sosial yönümlü videokadrları məmnuniyyətlə paylaşacağıq. həyatımda əmin olduğum “xoşbəxt olmaq istəyirsənsə, başqalarına xoşbəxtlik arzula” prinsipinin həyat tərzinə çevrilməsi üçün bacardığımızı edəcəyik.
özüm və doğmalarımla bağlı bəzən paylaşdığım yazılar, kadrlar əsla, bir çoxlarının düşündüyü kimi “reklam” xarakteri daşımır, məhz bu prinsipə qulluq edir. “özümüzdən başlayaq” adlı yazılarım davam edəcək. bu günə qədər öz təhsilim, oğullarımın təhsili, hərbi qulluq keçməsi barədəki yazılarımı ödədiyim vergilər və digər yazılarla davam etmək fikrim var. çalışıb elə bir mühit yaratmalıyıq ki, hamının kasıb yox, varlı olmasını arzulayaq. bununla belə, nail olmalıyıq ki, rüşvət almaq, başqasının əmlakına göz dikmək, haqqını yemək fahişəlikdən də pis qəbul olunsun. halal əməyi ilə qazananlar isə var dövlətini gizlətməyə, onun bunun adına rəsmiləşdirməyə, xaricdə gizlətməyə çalışmasınlar.
sonda sizə bildirirəm ki, elan etdiyim həyat prinsiplərimdən geri çəkilmək, sizləri aldatmaq, xəyanət etmək mənim üçün ölümdən betərdir. bu səhifə heç bir siyasi qüvvəyə, oliqarx birləşmələrinə qulluq etməyəcək, qazanc yeri olmayacaq. marağımız hamımızın gözəl yaşayışını təmin edəcək, qürurla adını çəkəcəyimiz ‪#‎azərbaycan‬ dövlətidir. sağlamlığımda olan problemlərə yanaşmanız, mənə olan inam və dəstəyinizi əvəz edəcək məbləğ yoxdur. bu günlərdə mənim keçirdiyim hissləri heç bir milyardlar əvəz etməz. arzum bu hissləri çoxlarına yaşatmaqdır. azərbaycanda yaşadığım 27 ildə hər zaman insanlara inandım və bu gün bu fikrimdə düz olduğumu artıq, ara sıra buna görə mənimlə mübahisə edən, balalarım da etiraf edirlər. hamınıza can sağlığı və ümumi işlərimizdə uğurlar arzulayıram. (c) aslan ismayılov