95. davudoğlunun istefasına iki nəfərin qarşıdurması kimi baxmaq doğru deyil. bu, bir sistem böhranıdır. prezidentlik sisteminə keçidə nail ola bilməyən ərdoğan səlahiyyətsiz qalıb. parlament respublikalarında prezidentlər öz təşəbbüsləri ilə qərar verə bilmirlər. partiya rəhbəri olmaq da onlara qanunla qadağan olunub. buna baxmayaraq, ərdoğan siyasətçi kimi davranmağa davam edir və bununla konstitusiyanı pozur.
ərdoğan davudoğlunu rəsmən vəzifədən çıxara bilmədiyinə görə, partiyanın (ədalət və inkişaf partiyası) içində ona problemlər yaratmağa girişdi. parlament respublikalarında partiyalar siyasi hakimiyyətə gəlməyin və orada qalmağın tək legitim yoludur (təbii ki, seçkilər vasitəsilə). partiyada üstünlüyünü əldən verən kəs, dövlətdə də hakimiyyətdən getməli olur. ərdoğanın paradoksal (həm də konstitusiyaya zidd) vəziyyəti ondadır ki, o, partiyadan rəsmən getsə də, partiyaya təsirini əlində saxlaya bilib, davudoğlu da bunu gözardı edib. davudoğlunun başına gələnlərin mənası budur.