2. bilən bilir, bilməyən kəslərə də məlumat verim. uzun boylu, cəhrayı ayaqlı, zərif flamingo quşları hər il köç edərkən azərbaycan, iran, türkmənistan, qazaxıstana qonaq olurlar. uşaqlığımda bu gözəl quşları canlı şəkildə öz bağımızda görmək mənə nəsib olmuşdu. böyük quş sürüləri hacıqabul gölünün ətrafına toplaşardılar. bu mənzərəni sadəcə görmək lazım idi. vaxt keçdi ya vəlvələdən, ya zəlzələdən dağ boyda göl qurumağa (qurudulmağa) başladı. su yox, göl yox, quşlarda azaldı, demək olar ki, artıq flaminqolar gözə dəymirdi. payızda bir xəbər verildi tvlərdə, azərbaycana ucmalı olan flamingolar hava şəraitinə görə çaşaraq sibirə - kemerova yaxınlığına köç ediblər. bir rus zoolog insanlar bu quşlara qayğı göstərməsə quşların qırılacağını qeyd edirdi.
iş yerimlə əlaqədar evə qayıtmaq üçün səhralıq bir yerdə gözəl diyarımızın müxtəlif ləhcəli insanlarını daşıyan avtobusları intizarla gözləyirdim hər gün. bu yol uzunu yerli əhali mövsümə uyğun hər şey satırlar, çox vaxt keyfiyyetsiz məhsulu beş qat bahasına bəh-bəhlə, ölmüş heyvanın dərisini temizləyib bundan tapılmır adıyla, bataqlıq quşlarını turac, qırqovul, kəklik adına yoldan keçənlərə sırımaqla məşğul olaraq özlərinə gün ağlayırdılar. belə günlərdən birində yenə avtobus gözləyirdim ki, uzaqlıqda 1 cüt cəhrayı flamingo gördüm. uşaqlığım gəldi gözlərimin önünə, ürəyim böyüdü, böyüdü sığmadı sinəmə. yellənə-yellənə getdim evimə. səhər eyni templə ev, sonra iş, sonra yol kənarında avtobus gozləmək. necə oldusa başımı yana çevirəndə yol boyu uzun məsafələrlə düzülmüş piştaxtalardan birinə gözüm sataşdı. dünən gözlərimi, könlümü sevindirən, hələ yaşamağa dəyər dedirtdirən flamingolar o çəhrayı ayaqlarından başı aşağı ölü asılmışdılar. onları fərəhlə satmağa çalışan işbazlara da gözüm sataşdı. ürəyimdən bir cümlə keçdi, kaş siz də çaşıb sibirə ucardınız , burada insan yoxdur, bəlkə orada onlarla rastlaşardınız.