1. lağ etmək, ələ salmaq, mırt tutmaq, məzələnmək, araya almaq, sarımaq, dolamaq, vedrə bağlamaq-eyni davranışı ifadə edən sinonimlərin çoxluğu bu davranışın nə qədər populyar olduğunu göstərir. intensiv lağ eləmə arzusu uşaqlıq və gənclik travmalarının məhsuludur.
lağlağı adətən görünüş (bir nazirin həyat yoldaşının xarici görünüşü) və fizioloji proseslər (müğənninin məməsi, rayondakı yapon tualeti) ilə əlaqədar olur. ölkə olaraq görünüşün, fizioloji proseslərin təməl, dəyişdirilməz funksiyalar olduğunu, bunların intensiv müzakirə mövzusu olmalı olmadığını anlamaq, insanı dəyişdirə biləcəklərinə görə dəyərləndirmək lazımdır. nəticələrdən şikayətlənmək, ələ salmaq, risksiz qəhrəmanlıq (məsələn, bir zümrə varki ölkənin ictimai-siyasi həyatında təsirləri yoxdur, amma fələstin məsələsini həll edirlər ya da türkiyədə hökümət qurub yıxırlar, ya da şəhərimizi əyalətdən gələnlər korladı deyən amma tarixi binaların uçurulmasına səsini çıxarmayan qrup) diqqəti əsas problemlərdən yayındırır.
insan mümkün qədər lağlağıdan qaçmalıdır, özünü hansısa sahədə irəlidə görürsə digərlərinin də ona çatmasını istəməlidir. yerində sayıb başqalarının da fərqli olmadığına özünü inandırmaq heç kimə faydalı deyil. bu ölkədə imtiyazlı kiçik bir zümrə istisna olmaqla, gənclər üçün hansı təhsil, rəqabətə dayalı karyera imkanı, mədəni mühit, fikir qaynaqları, ictimai sfera ayrılıb ki gəncləri ittiham etmək mümkün olur? zəif fərdlər zəif cəmiyyət formalaşdırır və belə cəmiyyət həmişə qurban axtarır. nöqsanları aradan qaldımağa çalışmaq lazımdır, onları böyüdüb insanın təbiəti kimi təqdim etmək lazım deyil.
tənqid şəxsə yönəlməməlidir (sənin başın bura qədər işləyir), konkret fikrə ya da işə yönəlməlidir (bu mövzuda mən fərqli düşünürəm).
ümumiyyətlə, inkişaf etmək istəyən insan üçün problem özü olmalıdır, başqaları yox.

mənbə: yalçın islamzadə statusu.