bugün wiki təsadüfi son
sözaltı sözlük
məsləhət postlar mesaj Profil

...

lsd

əjdahalar   googlla
dopamin - ölmədən edilməli olan şeylər - magic mushrooms - lsd üstündən weed çəkmək - limitless - seksdən daha yaxşı şeylər - allen ginsberg - shine on you crazy diamond - psychedelic

    #sözaltı wiki təsadüfi wiki gətir

    yazarın wiki entryləri: indie - stimulant - maslovun çəkici
    11. *psixoaktiv dərmanlar*dandır. sinifləndirmə olaraq *psychedelic*lər və ya halusinogenlər sinifinə mənsubdur.
    60-80 ci illərdə hippi inqilabları ilə istifadəsi daha da yayılmışdır. bir çox məşhur yazar, həkim, filosof (#205254), musiqi qrupları (beatles, doors) lsd (və digər psixodelik maddələri) istifadəsinin yayğınlaşması üçün təbliğatlar aparmışdır. insanların lsd istifadə etməsinin qarşısını açmaq istəmişlərdir. çünki lsd, insanın özünü və dünyanı tanımasına, daha barışçıl olmasına, yaradıcı olmasına səbəb ola bilər.
    lsdnin beyində tam olaraq nə etdiyi hələ ki elmə tam olaraq məlum deyil. çox güclü maddə olduğu üçün və keçmişdə doz aşımı səbəbi ilə yaşanılmış bəzi pis hadisələr səbəbi ilə illeqallaşdırılmışdır. ancaq 2004cü ildən sonra üzərində yenə elmi araşdırmalar aparılmağa, tibbdə istifadə edilməyə başlanılmışdır.
    lsd kimi psixodelik maddələr digər psixoaktiv maddələrdən tamamilə ayrı bir kategoriyada yer alırlar. digər maddələr daha çox stimulant, depressant, uyuşturucu kimi vəzifələr yerinə yetirir. lsd isə eyni zamanda şüurda, qavramada da dəyişikliklərə səbəb olur.

    bu tip maddələr haqqında, əsasən də lsd haqqında yalan yalnış məlumatlar eşidə bilərsiniz. lsdni çox az insan istifadə etdiyi üçün etməyənlər sadəcə təxminlər və eşidilmiş şəhər əfsanələri üzərindən danışırlar. çalışın daha doğrun mənbələri tapmağa çalışın.
    əvvəla, 21 yaşın altındasınızsa, istifadə etməyin.
    istifadə etməmişdən əvvəl istifadə etməyi ən çox istədiyim və eyni zamanda ən çox qorxduğum maddə idi. haqqında kifayət qədər oxumuş və istifadə edənlərdən eşitmiş olmağıma baxmayaraq nə ilə qarşı qarşıya olduğumu tam olaraq bilmirdim. istifadə edənə qədər də bilmədim. ən çox qorxduğum bad trip yəni pis pis xəyala girmək ya da ağlımı itirmək idi -* ancaq bunların heç biri olmadı. xoşbəxtlikdən uçurdum. baxyamayaraq ki lsd *recreational* (əyləncə məqsədli) istifadə olunan maddə deyil. ancaq əhval ruhiyyənizi *ecstasy* kimi yuxarı qaldırır və mükəmməl ruh halında olursunuz.
    düzgün dozanı qəbul edirsinizsə, az doza qəbul edirsinizsə, bütün maddələrin dadına baxa bilərsiniz əslində. lsd-yə də əgər çəkinirsinizsə, az doza ilə başlayın. təxminən 100mikrogram.
    yaşınız 21-in üstündədirsə, güclü mental və ya fizioloji xəstəliyiniz yoxdursa kiçik dozada və aşağıda qeyd edəcəyim şəraitdə qəbul edəcəyiniz təqdirdə böyük ehtimalla hər şey yaxşı gedəcəkdir. yenə də hər fərd hər kimyəvi maddəyə fərqli formada təsir göstərə bilər.
    istifadə qaydası: lsd üstünə acid damlatılmış balaca kağız dənələri formasında satılır daha çox. aldığınız qaynağın güvənilir olduğundan əmin olun. və mümkündürsə hər dropun neçə mikroqram olduğunu öyrənin. burada link göstərildiyi kimi başlanğıc olaraq 20-100 mikrogram qəbulu sizin üçün ideal olacaqdır. lsd qəbul etdikdən təxminən 40 dəqiqə sonra təsirini göstərməyə başlayır və təsiri təxminən 10 saat çəkir. hətta iki gün təsiri hiss ediləcəkdir ancaq halusinasiya görmə kimi əsas güclü təsirləri 6-10 saat arası çəkir. pik nöqtəyə qəbul etdikdən 3-4 saat sonra çatırsınız. səyahətiniz bu qədər uzun çəkəcəyi üçün qəbul edəcəyiniz yeri, yanınızdakıları əvvəlcədən planlaşdırmalısınız. psixodelikləri, eləcə də lsdni, təbiət qoynunda, günəşli bir gündə qəbul etmək daha da yaxşıdır. çünki insan təbiətlə bütünləşir. evin içində dört divar arasında qəbul etsəniz həm canınız sıxıla bilər, həm də məsələ gecədirsə əgər, pis tripə girə bilərsiniz. gecə atmayın. insanların olmadığı yerə gedin. tək getməyin ilk dəfə üçün, yanınızda biri olsun. qəbul etdiyiniz gün kefinizin yerində olması yaxşı olar. kefiniz yerində deyilsə, qəbul etməsəniz daha yaxşıdır. özünüzlə mütləq qulaqlıqlarınızı götürün, musiqi sizin ən yaxın dostunuz olacaq səyahətiniz boyunca. yanınıza şəkil çəkəcəyiniz dəftər qələm də götürməyiniz yaxşı olardı, içinizdəki gizli rəssam oyana bilər. düz, açıq çəmənlik kimi ərazilər ilk dəfə üçün ideal ola bilər.
    lsdni dilinizin altında saxlayın, dişinizlə kiçik kağızı çiynəyin. 30-40 dəqiqə sonra bədəninizi böyük bir həyəcan hissi saracaq, həyəcanlanmayın, səyahətiniz başlayır. yavaş yavaş görmə qabiliyyətiniz dəyişəcək, ətrafı dalğalı görməyə başlaya bilərsiniz. səyahətiniz başlamışdır, yaxşı səyahətlər -*
    tripdə olduğunuz müddətcə, bir yerə diqqətli formada fokus olsanız əgər, məsələn buludlara, ağaclara, otlara, istənilən yerə baxaraq halusinasiya qura və ya görə bilərsiniz. sanki günəşin sizinlə danışdığını görə bilərsiniz. musiqi xəyal gücünüzü daha da alovlandıracaqdır. musiqi olmasa belə, diqqətli qulaq assanız, küləyin musiqisini eşidə ya da xəyal edə bilərsiniz. təbiəti daha da çox sevəcəksiniz, otların, ağacların sanki olduğundan qat qat daha canlı olduğunu hiss edəcək və onları qucaqlamaq istəyəcəksiniz. lsd sizi *spiritual* bir ruh halına soxacaqdır. şüurunuz tamamilə dəyişiləcək, alter olacaqdır. bədahətən şeir deməyə başlayacaqsınız. ya da xəyal gücünüzü işə sala bilsəniz gözəl şəkillər çəkə bilərsiniz. həvəsim olsa sonda lsd təsiri altında çəkdiyim şəkilləri və şeirləri yerləşdirəcəm.
    təkamüli nəzəriyəyə əsasən, insanlar həyatda qala bilmək üçün ətrafdan qavradıqları şeylərin kiçik bir hissəsini şüurlu olaraq hiss edirlər, məsələn siz əslində hal hazırda sağ və solunuzdakı hər şeyi görürsünüz, ancaq sadəcə sizə lazım olan şeylər şüurunuzdadır, onların fərqindəsiniz hazırda. lsd şüurunuzda partlama yaşadacağı üçün, ətrafdan qavradığınız bütün səslər, qoxular, rənglər, dadları hamısını eyni anda fərqində ola biləcəksiniz. həmçinin xatirələrinizi də. beyniniz və şüurunuz güclü formada açılacaq.
    lsd atdıqdan sonra, təsiri altındaykən, sanki dünyanı və insanları başa düşəcəksiniz. daha da emosional hiss edir insan həm dünyaya həm başqa insanlara qarşı. dünyanı və insanları qorumaq istəyirsiniz. hamını anlamağa başlayırsınız, içinizdə kin-nifrət kimi duyğular tamamilə silinir. sülhə bürünürsünüz. dinc olursunuz. bütün insanları qucaqlamaq və qardaş olduğunuzu demək istəyirsiniz (onsuz da qardaşıq). *eqo ölümü* baş verir. ki mükəmməl bir prosesdir. eqonuz ölür. yox olur. bu elə bir şeydir ki, heç bir insan normal şərtlər altında yaşa bilməz bu hissi əgər həqiqi buddist rahib deyilsə. eqonun ölümü, zarafat deyil. eqonun ölümü sadəcə başqalarına özünü sübut etmədən əlavə, həm də arzularını, istəklərini buraxmaqdır. o ruh halında, gələcəklə bağlı bütün planlarınızı bir kənara qoyub, çıxıb gedib meşədə, bir heyvan kimi, bitki kimi yaşamaq istəyə də bilərsiniz.
    sonralar yavaş yavaş dozanı artıraraq daha güclü triplərə girəcəksiniz, ən güclü dozalarda tamamilə başqa dünyalara keçəcəksiniz. daha güclü halusinasiyalar görəcəksiniz. artıq bir otaqda otursanız belə amazonda bir cəngəllikdə olduğunuzu da görə bilərsiniz. yüksək dozalardaki pis trip riski daha yüksəkdir.

    lsdnin təsiri azaldıqdan sonraki ən böyük problem cəmiyyətə yenidən adaptasiya ola bilməkdir. çünki o dərviş, şair ruhu ilə bir gün sonra oyandıqdan sonra bərbad həyatın yenə davam etdiyini görəcəksiniz. insanlardan qaçmaq istəyə bilərsiniz. siz onlara şeir oxuyarkən onların sizə ciddi baxışlarla baxması sizi narahat edəcəkdir bir iki gün üçün.
    hər istifadədən sonra 2-3 ay ara verməyiniz məsləhətdir. əks təqdirdə bu güclü maddə beyninizə, şüurunuzua ciddi təsirlər edə bilər. bəzilər isə mikrodozalarla tez tez istifadə etməyi məsləhət görürlər.

    bu arada unutmadan, lsd istifadəçiləri aralarından bəziləri *flashback* problemi yaşadıqlarını report ediblər. yəni lsd qəbulundan üstündən illər keçsə belə bir anda təkrar durduq yerdə təkrar tripə girmək. bunun əfsanəmi yoxsa həqiqətmi olduğu hələ ki tam dəqiq deyil. ancaq realdırsa belə çox çox nadir baş vermişdir.
    lsdnin fiziki və psixoloji aludəçiliyi yoxdur.

    əlimdən gəldiyi qədər əsas məlumatları verməyə çalışdım. bəhs edilməsi gərəkən çox şey var, ancaq getdikcə daha da uzandığı üçün burada saxlayıram.
    uğurlar.

    (baxma: psixoaktiv dərmanlar/-217484)

35 əjdaha

timidus
#217608


13.06.2016 - 08:03
+4741 oxunma
wikiləyən: timidus



hamısını göstər

üzv ol

...