151. #10692 əsasən, sözlüyün inkişafına yönəlik tövsiyələrdir.

amma, yazarların mühitimizə qarşı, olabildiyincə marjinal və sistem qarşısında anarxist olduğu müddətcə buranın sosium hesabına inkişaf edəcəyini gözləmək sadəlövhlükdür. məqsədim, kimlərinsə dünyagörüşünü aşağılamaq və ya fikir- xəyal dünyalarına çamur atmaq deyil, sadəcə, faydalı ola bilmək üçün ümumi azərbaycandilli oxucuların anlayacağı dildə və üslubda yazılar yazmağa dəvət eləməkdir.

məsələn, yazarımız ateist ola bilər, səmimi şəkildə ramazan orucunun insan səhhətinə zərərini düşünmüş ola bilər, bu ayın gündəminin ramazan, onun gözlənilən xeyirləri və riskləri olmalı olduğu halda bu ayda da sanki heç yazılmamış kimi porno gətirib süni, keyfi gündəm eləməklə sadəcə sayı milyonlarla ölçülə bilən potensial oxucu kütləsini itirmiş olmaqla qalmır və gələcək körpüləri də darmadağın etmiş olur. özüm, sözlüyü hər gün ziyarət edən bir adamam, amma ,mövzuların 3-5 dar məsələ ətrafında, dar düşüncələr və emosiyalar səthiliyində getdiyini görüb sözlüyə girməyimlə qapatmağım, onun üzərinə ekşisözlük v.s yazıb "kanalı dəyişməyim" dəqiqə çəkmir. halbuki, burada nə qədər ciddi yazarımız var ki, ikilikdə və ümumilikdə söhbətlərimdə sözlüyün mənim üçün, cəmiyyətimiz üçün nə qədər uğurlu bir proyekt olduğu/olabiləcəyi barədə ümidlərimi ifadə eləmişəm.

qüsura baxmayın, dostlar, zaman, güc, internet çox ciddi nemətlərdir, oturub internetdə ən bəsitindən online şahmat oynamaqla zəkanı inkişaf etdirmək və iq sahibi dostlarımla bunu paylaşmaq buradakı bilgi yükü sıfır, informasiya kirliliyi balaxanı zibilliyinə bəs dedirtəcək türdən zəvzəkliklərlə məşğul olmaqdan mənə daha faydalı gəlir, kimsə inciməsin, qardaş kimi deyirəm bunları

not: bir iki xırda müşahidə əsasında yazılıb, heç kim şəxsən üzərinə almasın gələcəkdə bu entrim editlənə və dəyişilə bilər
not 2: fikirləriniz və emosiyalarınız * söyüşsüz və təhqirsiz mənə mesaj olaraq göndərilsə şad olaram