10. həyatımın ən sehirli günlərinə təsadüf edən ay. ya da tərsidi bəlkə sehirli günlərim ramazana təsadüf edir. qəribə, ancaq bir o qədər də şirin bir sükut hakim olur ruhuma bu ay. və dəxli yoxdu oruclu olum istərsə də orucsuz bu belədir. müsəlmanların səkinət dedikləri əgər varsa budur bəlkə də. mübaliğəni biraz da artırsam, sanki ağacların yarpaqları, daş, torpaq, mavi səmadaki buludlar mənlə söhbət edir. bu ayın qəmi belə mənə şirin gəlir sanki.

quran deyir bu ayda birgün var ki, səmadan mələklər küreyi ərzə nazil olar, əmanlıq, salamatlıq gətirərlər özləri ilə bu dünyaya. ki qədr gecəsi deyərlər ona. günü tam bəlli olmaz, ehtimallar olar ona dair. inanclılar bu ehtimal olunan günlərdə ümidlə axtararlar o günü ramazan boyunca. hətta tanrının sadiq aşiqləri o günü sadəcə ramazanda yox, ilin hər günündə axtararlar. qədir gecəsi kimi bu bəndələri də kimsə tanımaz, kimsə bilməz. qəriblikdə olduqları bu dünyada çox səs-küy salmazlar onlar, inanclarını başqalarının gözünə soxmazlar. aşiq olduqları varlığı düşünməkdən vaxt tapmazlar başqalarına, əğyara yəni. kim bilir bəlkə qədir gecəsi elə hərgündür...

"geçen her gecenin leyle-i kadr, her kişinin hızır olmadığını anladığımda kırılıyorum."
ismet özel