749. bilgi bazası olaraq görülən bir məkan. lakin bilgi bazası deyildikdə nə nəzərdə tutulur? sözlüyə ensiklopedik fikirlər əlavə etməyin təbii ki, bir təvafütü yoxdur. lakin, nəzərə alsaq ki, bu bilgilər ingilis dilini bilənlər üçün bir click uzaqlığındadır və çox adam* ən azından sözlükdəkilər arasında artıq müəyyən qədər ingilis dilini bilir, sözlüyü başlıca olaraq ensiklopedik bilgi mənbəyi olaraq görmək düzgün deyil. bunun üçün vikipediya var və azərbaycan dilli vikipediyanın çox sevgiyə ehtiyacı var; insanlar bu tipli əməklərini daha çox ora versələr bəlkə də daha faydalı olar.

mənə görə sözlüyün daha maraqlı tərəfi subyektiv fikirləri bildirmək üçün bir platforma olmasıdır. subyektiv fikir dedikdə kino və başqa sənət əsərlərinə resenziyalar, siyasi fikirlər, ədəbiyyat nümunəsi* yazarlar tərəfindən istehsal olunan və ya tərcümə* başqaları tərəfindən yazılan və s. aiddir. yəni, insanların müxtəlif şeylərə olan mövqeləri, fikirləri. bir-birilərinin şəxsiyyətlərinə yox, konkret məsələlərə, şeylərə olan fikirləri! girib bir-birinizi itin götünə soxub-çıxarmayın nickaltında! məsələn, bu gün mənə maraqlı idi *xavier dolan*ın filmlərinə bildirilən fikirlər. oxudum kayf verdi. elm öyrənmək istəyən bunu sözlükdən etməyəcək* etməsin zatən, ətraf diqqətyayındırıcı şeylər qaynayır , amma cəmiyyətin adi üzvlərinin fikirləri haqda öyrənmək istəyən biri üçün, sözlük [məncə hətta bir az ekstrim] söz azadlığının olduğu nadir bir yer kimi maraqlı bir məkandır. subyektiv fikir axtarırsansa facebooka get deməyin, bura facebookdan fərqlidir: anonimlik var və başlıqlar əsasında yazmaq üzərinə qurulub* çox adam bir sətrlik şeylər qusmaqla kifayətlənsə belə , ona görə də, ifadə olunan fikirlər daha fərqli və yaxşı formada indekslənib.