1. insanın özünü siyasət və ya inanc baxımdan müəyyən bir kateqoriyaya aid etmək hissinə düşməsi. sanki insan ya hansısa dinə inanmalı, ya da deist və ateist olmalıdır. amma hər kəsin fikri individualdır və bu qəliblərin hansısa birinə tam uymaq məcburiyyətində deyil. bir düşüncə tipi çox yaxın olduğu halda bəzi yerlərdə razılaşmaya bilərik. amma yenə də kənardan bizi bir qəlibə salmaq kimi bir basqı olur. hamı müəyyən kateqoriyalarda qruplaşır və sən kənarda tək qaldığını düşünürsən. elə bizi də fərqli edən budur. hər kəs fərqli düşüncəyə malikdir və bunların heç birini ayrılıqda bir kateoqiya kimi ayırmaq mümkün deyil. əgər belə olsaydı, onda bu qədər insanın dünyaya gəlməsinin bir mənası olmazdı.