18. bunu arada bir edirsinizsə, yaxşıdır, yox əgər hər gün edirsinizsə, çox pisdir, əziz yoldaşlar.
xəyalpərəst olmaq, ümumiyyətlə, pisdir. həyatını xəyallarda yaşayan biri olaraq deyə bilərəm ki, xəyal qurmaq, xəyallarla yaşamaq insanı real həyatdan uzaqlaşdırır, asosial edir. xəyallarda hər şey mükəmməldir, insan yuxudan oyanmamaq istəyir. amma real həyata qayıtmağa məcbursan. qayıtdığın anda da dünyanın rəngli yox, əslində boz olduğunu görüb depressiyaya düşürsən.
etmək istədiyim o qədər çox şey var idi ki, xəyalını quraraq beynimdə bitirdim hamısını. xəyalda hər şeyi yaşayıb bitirdikdən sonra onu reallaşdırmaq istəmir insan. bir növ, maraqlı temanı çürüdürsən xəyallarında.
postda da yazdığım kimi, fikrində az qala dünyanı xilas edirsən, fəaliyyətdə isə heç nə yoxdur.
bir də yuxarıda deyildiyi kimi xəyal qurmaq üçün yatmaq versiyası var. o ən pisidir. bezirsən dünyadan, deyirsən gedim iki xəyal qurum xoşbəxt olum, bu nə həyatdı ala. amma bilirsən ki, yenə geri qayıdacaqsan. qayıtmağa məcbursan çünki.