15. ailə qurandan çox qısa vaxt sonra qızda nəsə fərqli bir psixoloji problemin olduğunu düşünməyə başladım. internetdə araşdırandan sonra bütün əlamətlərin bipolyar pozuntuya uyğun gəldiyini gördüm. ali təhsilli, çox savadlı, dünyagörüşlü, çevik düşünən, məntiqli qız olmasına baxmayaraq, ən adi şeylərdən mübahisə yaradır və saatlarla, bəzən günlərlə sakitləşə bilmirdi. əsəbləşəndə isə onu tanımaq olmurdu, tamam başqa insan olur, xoşagəlməz sözlər danışır, elektronik və digər ev əşyalarını vurub-dağıdırdı. təbii, mən şok oldum. çox söhbət etdim, bu hərəkətlərinin ailə həyatına zərər verdiyini nəzərinə çatdırdım. hətta psixoloji yardım almaq barədəki bütün təkliflərimi rədd etdi, heç bir problemi olmadığını, problemin məndə olduğunu dəfələrlə dedi. halbuki, mən nə siqaret çəkmirdim, nə gündə-gündə çay evlərində, restoranlarda oturmurdum, nə evə gec gəmirdim, nə də məclislərdə az miqdarda içməyim istisna olmaqla, spirtli içki içmirdim. heç bir pis vərdişim, nə də başqa qızla münasibətim yox idi. əmək haqqım min manatdan yuxarı idi. o isə mənimkinin yarsı qədər maaş alırdı. ayda bir neçə dəfə şəhərə çıxıb restoranlara və s. da gedirdik. bunlara baxmayaraq, mənasız şeylərin böyük mübahisə həddinə çatdırılması anlaşılmaz və dözülməz idi. ailəsi isə qızına haqq qazandırıb, təqsirin məndə olduğunu düşünəndən sonra mənim üçün hər şey bitdi. nəticədə, ayrılmaq barədə qərar qəbul etdim.

bu pozuntu ciddi pozuntudur. ən dəhşətli tərəfi isə odur ki, problemli şəxs problemi olduğunu qəbul etmir və müalicə olunmaqdan imtina edir. müalicə olunmadan yeganə yolu isə, ətrafındakı insanların hamsının ona qarşı son dərəcə diqqətli davranması, ona fərqli və həmişə haqlı olduğunu hiss etdirməsidir. bunu bacaran varsa, deməli, o, öz həyatının üstündən xətt çəkərək bütün həyatını ona həsr edib.