1. köhnə yuqoslaviya futbolunun əfsaənələrindən biri. "mihajlovic/ milosevic/ mijatovic" yuqoslav futbol üçbucağının hissəsidir. 20 yaşında yığma komandada debüt etmişdir. professional karyerasına "buduçnost" klubunda başlamışdır. "partizan"da göstərdiyi uğurlu çıxışlar isə avropalı skautların diqqətini cəlb etmiş və futbolçunun 1993'cü ildə ispaniyanın "valensiya" klubuna keçidi baş tutmuş, 28 qolluq karyera rekorduna burda oynarkən nail olmuşdur. burda 3 mövsüm keçirdikdən sonra predrag, karyerasının demək olar zirvəsi sayıla biləcək yerə - "real madrid" klubuna transfer olmuşdur. "real madrid" ilə 1997/1998 mövsümünün çempionlar liqasının qalibi olarkən finalda "yuventus"a vurulan qələbə topunun müəllifidir. 3 dəfə yuqoslaviyanın ən yaxşı futbolçusu seçilmişdir. "partizan"la 2 dəfə yuqoslaviya, "real madrid" ilə ispaniya çempionu, "fiorentina" ilə italiya kubokunun, "real madrid" ilə ispaniya superkubokunun qalibidir. "levante" futbol klubunda karyerasını sonlandırmışdır. 2006'cı ildə "real madrid"in idman direktoru olmuş və komandaya robben, sneijder, van nistelrooy, kaka kimi oyunçuların transferlərini gerçəkləşdirmişdir.