1. qara camaat. yəni ki minillərdir biz. belə dərin bir mənası yoxdu rəngi qara olan camaata qara camaat deyirlər. yayda tarlada işləyib günəşin yandırdığı qışda ağanın digər əmrlərini yerinə yetirərkən şaxta vurub üzünü yandırdığı yəni də yana yana qalan camaat. təbii bu feodalizmdə idi. sonra sosializmə keçdik. ay birinci beşillik ay ikinci beşillik ay kollektivləşmə deməmiş müharibə başladı qara camaat ordan burdan qıtıb böyütdüyü uşaqlarını göndərdi adını belə bilmədikləri vətən torpaqlarını buğu burma olmayan özünü hamıdan ağıllı sayan mavi gözlü bir gijdıllağdan qurtarmağa. müharibə qurtardı qara camaat yenə bir parça çörək dalıyca düşdü. ora qaçdı bura qaçdı. pis yaxşı dolanışığı çıxırdı qara camaatın ki birdən yenidənqurmalar başladı sonra bu qara camaatın balalarını yenə müharibəyə apardılar qara camaat bu dəfə daha həssas idi adlarını bildikləri vətən torpaqlarına görə qara camaatın balası ölürdü çünki. sonra bir zat-i möhtərəm çıxdı qara camaatın qabağına dedi ki `ay camaat sizi ki belə görürəm bir gün görməmisiniz mən də gəldim ki bu vəziyyətdən xilas edim`. qara camaat başa düşmədi ki bu zat-i möhtərəm kimi bu vəziyyətdən xilas edəcək. başladı gözləməyə. 20 ili keçib qara camaat gözləyir. rəngi daha da qaralıb amma gözləyir. nə də olsa ümidi var qara camaatın, ümidsiz yaşamaq olmur.