2. ağır dərddir. hər nə qədər özünü nə iləsə təskinlik tapmağa yönəltmək istəsən də, heç cür bunun əzabından və sıxıntısından qurtula bilmədiyin bir bəladır. iş tapa bilməmək ilə işləmək istəməmək arasındakı fərqi də bəzən insanlar görə bilmirlər. sənin əlindəki diplomlar, fərdi keyfiyyətlər, əlavə bilik və bacarıqlara rəğmən, işə qəbul oluna bilməməyin insanlar üçün "işləmək istəmir" kimi də yozula bilir asanlıqla. çox əclaf qayda-qanunlarla idarə olunan bir ölkədə kapitalizmin də ağır şərtləri altında əzilmək həyatın ən rəzil üzünün ən bariz nümunəsidir. yox olan enerji, itən arzular və puç olan gələcək. nə etməli? qaçmaq? haraya?

hə, dostum, əsas məsələ bax budur məncə. işsizlik insanın özünü itirməsi, çürüməsi və həyatdan düşməsi, zamanda əriməsinin sürətlənməsi və məhvi üçün mənasızlığın ən əsas komponentlərindən biridir.