5. bu gün başıma gələn əhvalatı danışmaq istəyirəm. deməli, bakının şimal girişin bağlayıblar. dəhşətli tixac var idi gün ərzində. itin zülmü ilə alternativ yollardan istifadə edə-edə gəldim çıxdım qələbə dairəsindən zərdabi prospektinə dönən hissəyə. ordan 1-ci svetafordan sola yol qalxır. dəhşət tələsirdim. çünki 4 saat idi ki, tıxaclarda idim. növbədə dayanmaq istəmədiyimdən svetaforu xeyli keçdim. işıq yanan kimi sürdüm, sürən kimi də hardansa bir polis maşını peyda oldu. saxla əmri verdi, saxladım. cavan, yaraşıqlı bir oğlan düşdü gəldi. dedim, bilirəm, izahata ehtiyac yoxdu, pozuntu bilirəm nədir. filan yerdə işləyirəm, mümkündürsə, güzəşt edin. güzəştinin ən yaxşı halda kəmər yazmaq olduğunu dedi. mən yenə razı olmadım ki, burax gedim, tələsməsəm gözləyərdim. bu, qulaq asmadı sənədlərimi apardı yazmaq üçü maşının içində oturan rəisinin yanına. rəisi sənədlərimə baxdı, sonra buna geri qaytardı ki, apar ver özünə.

şok oldum. azərbaycan dyp-sindən belə bir jest görmək məni çox təəccübləndirdi. deyə bilmərəm, ya məni tanıdı, ya iş yerimə görə güzəşt elədi, hər halda sağolsun.

yaxınlarda radara düşmüşdüm, 50 manat cərimə var idi. protokolda pozuntular tapmışdım, qərarı məhkəməyə şikayət verib ləğv etdirə bilərdim. onun bu jestindən sonra, evə qayıdan kimi ilk işim həmin cəriməni ödəmək oldu. bu da mənim dyp-ə jestim olsun.