1. lirik şeirlər qoşub, onları skripka, yaxud başqa musiqi alətinin müşayiəti ilə ifa edən şair, müğənnidir. hər yeni mahnı, yeni melodiya ilə oxunur.
trubadurların lirikası ilk dəfə, 12-13-cü əsrlərdə fransanın cənubunda meydana çıxmışdır. belə sənətkarlar dünyanın gözəlliklərini, fərəhli həyatı tərənnüm edirdilər. 500-ə qədər trubadurun adı məlumdur. onların arasında kral nəslindən olanlar, iri feodallar, cəngavərlər və aşağı təbəqədən insanlar da mövcud olmuşdur.
trubadurlar poeziyada rəngarəng vəzn və formalardan istifadə edir, xalq mahnılarının ünsürləri üzərində yenidən işləyirdilər. onların irsi avropa lirik poeziyasına, truvyor və minnezinkerlərin yaradıcılığına güclü təsir göstərmişdir.