9. hər şeyi maddiyyatda görən insanların içində işsiz kimi yaşamaq mənəvi əzabdır, qardaş. bilirəm, çox çətindir. özümü işsiz təsəvvür edəndə, mən də çox pis hiss edirəm. insanın ömrü-günü keçir, qarşılığında nə qazanırsan? heç nə. pulsuz, işsizsənsə heç kim də səni ciddiyə almır. heç kim də harasa dəvət etmək istəmir. istədiyin kimi geyinə bilmirsən, davrana bilmirsən, hansısa qızı sevə bilmirsən, hətta bir müddət sonra nəyisə xəyal belə edə bilmirsən.

işsizlik utanılası bir hal deyil. buna görə, mübarizə aparmaq yerinə, həyatdan küsməyə, lazımsız bir əşya kimi hiss etməyə dəyməz. əsl utanmalı olan işsizliyi aradan qaldırmağa məsul olanlardır. ancaq təəssüf ki, onlar da utanc hissini itiriblər.