1. denis villeneuve-un rejissoru olduğu, amy adams ve jeremy rennerin baş rolları paylaşdığı 2016cı ilin mənə görə ən gözəl filmi. öncəliklə bu film bakıda göstərilirmi bilmirem( istanbulda bu filmə baxa bilmək üçün saat yarım yol getmişəm ). əgər göstərilirsə mütləq baxın. göstərilmirsə məlum ortamlara düşməsini gözləyin və baxın. filmə getməmişdən qabaq amerika və avropadan izləyicilərin yarısının filmə 10, digər yarısının 5 verdiyini bilirdim. yəni ortası yox idi, ya çox bəyənirdilər ya da nifrət edirdilər. kino yadplanetlilərin dünyaya ilk gəlişini və insanların onlarla ünsiyyət qurmağa çalışması mövzusunu işləyir. sabah yer kürəsinə yadplanetli gəlsə mənim, dövlətin, xalqın necə reaksiya verəcəyini reallığı ən yaxın şəkildə işliyir film. izləyicilərin yarısının filmi bəyənməməsinin səbəbi filmi başa düşməmələridi. bunu bir təhqir olaraq demirəm. mən özüm də filmdən çıxdıqdan sonra beynimde bəzi suallar qalmışdı. amma film elə bir film idi ki, mən filmə pis deyib keçə bilmədim. bütün gün boyu o suallara cavab tapmağa çalışdım. ve bir siqaret arasında bir sualın cavabını tapdım və arxası gəldi. ''deməli bu səhnədə bunu deməyə çalışıblar'', ''əslində bu sulın cavabını bu replika ilə veriblər'' deməyə başladım və orqazm hissi yaşadım. uzun zamandır məni izlədikdən sonra bu qədər məşğul edən bir kino izləməmişdim. ona görə də film mənim üçün 10/10 və ilin ən gözəl filmidi.