185. hara yazacağımı dəqiq bilmədim. deməli, bir müddət aradan sonra bakıya qayıtmışam, burda da təcili olduğundan 2 qızla kirayə qalmalı oldum. biri də 27 yaşında bir xanımdı, standart azərbaycanlı dindar, türk serialları izləyən, çox pul qazanıb cehiz yığan xanımlardan. ancaq yaşına görə təbii ki, özünü evin ağsaqqalı kimi aparmaq qərarına gəlib bu xanım. nə danışırıqsa başlayır söhbətə müdaxilə edib böyük məsləhəti verməyə, hər dəfə də siz hələ gəncsiniz, mən bu barədə eşitmişəm deyir.
nəysə hər gün masonlar haqqında danışır bizə, sosial şəbəkə istifadə etməyin pis olmadığını deyir adı masha olan xanım.
bayaq isə qonaqlar gəlib evə, hər kəs oturub söhbət edərkən yenə evimizin böyüyü söhbətə qarışdı, o möhtəşəm faktı dilə gətirdi və dedi ki, "mənim babama nyutonun nəvəsi yevlaxda dərs deyib, ondan eşitmişəm ki, bütün alimlər sonda islamı qəbul ediblər, nyuton da əslində müsəlman olub".
yəni sözüm odur ki, az düşün ağdamlıların üzərinə, buralarda möhtəşəm potensiala malik yevlaxlılarımız da var.