4. adına tənbəllik deyin və ya bekarçılıq, fərqi yoxdur, çox yatmaq baş ağrısına səbəb olur və oyanandan sonra da etməli olduğun işlərə fokuslanmağa icazə vermir. mənim zəhləm gedir çox yatmaqdan, səhər 7-də avtomatik oyanan insanlara həsəd aparıram, buna baxmayaraq da çox yatıram. 2 saat sonra dərsim var və axşam 5-ə qədər də dərsdəyəm, amma yatmamışam gecəni. çünki dünən günorta 4-də oyanmışam. güya fəlsəfə dərsindən qeydlər aparacaqdım, baş və mədə ağrısından cəmi iki səhifə qeyd tuta bilmişəm gün ərzində. yatmadım, çünki bilirəm ki əgər yatsam, 2 saat sonrakı dərsə oyana bilməyəcəkdim və qaiblər ucbatından lomkaya girəcəkdim. yuxusuzluqdan lomkaya girmək daha yaxşıdır deyə düşünərək, bir də səhər 8-ə dərs qoyanların var-yoxunu söyərək boş-boş ekrana baxıram hal-hazırda. çox yatıb oyanandan sonra gözümü bağlayanda qurduğum xəyallara da, onlar ucbatından oyana bilməməyimə də, bir də xəyal qurmayacağam deyə özümə də söyürəm, amma olmur. başım bu dəqiqə mənim bildiyim o baş deyil, başqa dünyanı yaşayır, elə bil. hər nəysə, çox yatmaq yaxşı şey deyil, həmçinin, az yatmaq da. ikisi də bədənin fəaliyyətini pozur. çox yatmağın bir də pis cəhəti odur ki, oyanandan sonra elə bir neqativ enerji hakim olur ki bədənə, insan dünyanın mənasızlığını sorğulamağa, yataraq nə qədər zaman itirdiyini hesablamağa başlayır.