10. nədənsə mikrodalğalı soba dərkən bu hadisə yadima duşur. mövzudan kənar olduğuna gore öncədən sory. demək bir dəfə 28 mall-da idim, bir yaşlı, xanım qohumum ilə. mikrodalğalı soba almaq istəyirdik. xüləsə yollandıq music gallery-yə. ki, o mikrodalğalı sobanı seçək, alaq. sakitcə durmuşdum bir kənarda, yaşlı, gözlərində eynək olan qohumum da sobalara baxırdı. bu dəm gənc satıcı oğlan yanaşdı, başladı sobadan danışmağa: "xala, vallah, bilirsiniz bu nə yaxşı şeydi mətbəx üçün?! yeməyi qoyursunuz sobanın içinə, bax bu düyməni basırsınız, "çikk" səsi gələnədək gözləyirsiniz, sonra vəssəlam, yemək qızıb. buna mikrodalğalı soba ona görə deyirlər ki, içində maqnit dalğaları var". və sair və ilaxır. gənc satıcı vəcdə gəlmişdi, az qala əl-ayaqla "qahım"ıma sobanın özəlliklərini anladırdı.
qohumum da gözlərini qıyıb "aha, aha, doğrudan, sən işə bax" deyirdi.
zavallı satıcı nə bilsin ki, "xala" dediyi xanım azərbaycan fizika institunun alimi, fizika elmləri doktoru, elektromaqnit dalğalarının terahers şüalanması üzrə avropada tanınmış mütəxəssislərdən biridir...