1. man vs wilddən tanıdığımız adam. tam adı edward michael "bear" gryllsdir. bear ləqəbini qardaşımıza bacısı hələ yeni doğulmuşkən veribmiş. adam əsgərliyini hindistan ordusunda çəkib. elə burda da, paraşutla atlayarkən, paraşutu tam açılmıyıb və ağaclara ilişə ilişə, beli üstə yerə düşüb. zərbənin təsirindən 3 onurğa fəqərəsi qırılıb. hərbi hospitalda 12 ay müalicə alan bear gryllsin bir daha yeriyə bilib-bilməyəcəyi sual altında idi. ancaq 12 aydan sonra grylls sağaldı və ilk iş olaraq uşaqlıq arzusu olan everest dağını fəth etdi.

ictimaiət isə gryllsi man vs wild teleşousu ilə tanıyır. şounun mövzusu budu ki, bear grylls qardaşımız hər seriyada müxtəlif sivilizasiyadan kənar ərazilərə atılır və bir insanın belə bir yerə düşərsə sağ qalmaq üçün nə etməli olduğunu əyani sürətdə göstərir. ürəyi zəif olanların baxması məsləhət deyil, zira mən də ilk baxdığım seriyasında dağ keçisinin gözünü çıxardıb yeməyinə baxanda təzyiqim düşmüşdü. ancaq əyləncəli, öyrədici verilişdi.