1. 2004-cü il istehsalı luke greenfield imzalı amerikan gənclik filmi. filmin mövzusu son sinif şagirdi, siyasətçi olmağı arzulayan, asosial matthew-un təzəcə qonşu olduqları danielle adlı qız ilə təsadüfən tanış olduqdan sonra dəyişən həyatından bəhs edir.
mənim ən uğurlu hesab etdiyim gənclik filmlərindən biridir. gərək qonşu qızı canlandıran elisha cuthbert-in gözəlliyi, cəlbediciliyi, mükəmməl gülüşü, gərək də matthew xarakterini canlandıran emile hirsch-in asosiallığı, əzikliyi filmi uğurlu edən əsas faktorlardır. matthew xarakterini özümə bənzədirəm. mənim kimi asosialdır, əzikdir və ətrafında özü kimi asosial dostları var. danielle ilə tanış olduqdan sonra birdən-birə dəyişməyə başlaması, özünü kişi kimi hiss etməsi kimi xüsusiyyətləri mənə uzaq olsa da yenə də bu xarakter bir növü mənim prototipim sayıla bilər. gələk qonşu qız danielle-ə, bu xarakter həyatından bezmiş, yeni bir həyəcan axtarışında olan biridir. gözəl fiquraya malik və eyni zamanda dünyadaki ən gözəl gülüşə sahib olan danielle-nin də həyatı çox keçmir ki, matthew ilə tanış olduqdan sonra dəyişir. sanki matthew danielle-i, danielle isə matthew-u tamamlayır. film sizə çox səmimi gələ bilər, sadəcə ətrafınızda olan insanlara baxmanız kifayət edir.
nəticə olaraq filmdən çıxan nəticə budur ki, heç kim göründüyü kimi deyil və hər kəs dəyişə bilər.